Marc 13:3 - Nouveau Testament en Gulay 2004

³ Jésu ndi dè mbal ke kage olivierge ndai tutu sɔbe kàde kei le Nube. Pierre se Jean se Jacques a, se André a tɔ deji Jésu tà, loo ke nain-in se’n se kar de edi nè:

Marc 13:3 Iomraidhean Croise

Matthieu 13:10

Njékuwe-gir-Jésuge agi ngɔr ke rann’t deji nin edi nè: – Ké bain á unn gostàge tá ede’n dooge tà wa?

Matthieu 13:36

Loo ke Jésu inye kosdoo-bulege baa, è tel ree ɓéee. Njékuwe-girnge reei ngɔr ke rann’t edi nè: – Ɔrgir gostà le jer ke tò kêm ndɔr’t nga ade jè.

Matthieu 17:1

Loo ke ra ndɔ mute-mute ɓaa, è ɔr Pierre se Jacques se ngokon’n Jean njɔl aw se de se kar de bere dè mbal ke ngal lêng-lêng.

Matthieu 21:1

Jésu se njékuwe-girnge reei teei kêm kɔki ɓee ke ri’n nè Bethpagé, tò kɔte mbal ke kage olivierge ndai tutu. Loo ke ei undei dè ɓee-bò ke Jérusalem ngɔr ɓaa, Jésu ɔr njékuwe-girnge joo ule de kété ede nè:

Matthieu 24:3

Taɓai Jésu ɔte aw ndi dè mbal’t ke kage olivierge ndai tutu. Njékuwe-girnge awi ingeii se kar’n deji nin edi nè: – Ede jè, ké ndɔ ke ra nyange nè nga à teei wa? Ké ri á à tɔji jè kade jè ger ndɔ teli nga wa? Ké ndɔ ke ra gir nang nè à gang ɗás wa?

Marc 10:35

Go’t gugu, Jacques se Jean ngann le Zébédée reei ra Jésu’t edi nin edi nè: – Kuwe jé, jè ndige le kade i ra nyan ke j’aw ndoo’n ade jè.

Marc 13:4

– Ede jè, ké ndɔ ke ra á nyange ke i tam tà’n nè nga à awi loon’t deĵ wa? Ké nyan ri á à tɔje jè ndɔ tee le nyange nè nga malang wa?

Marc 14:33

E ade Pierre, Jacques se Jean á danni nin. Ɓel unn gir kunde’n ndàt gang’n ade kàde’n gete get-get.

Marc 4:34

Jésu unn gostà ede’n doobulege tà. Nè loo ke è ndi se kar’n se njékuwe-girnge ɓaa, è ɔrgir gostàge nè malang ade de.

Marc 5:37

Jésu inye loo ade doo karé ke rang dann’n lé, nè ade Pierre se Jacques se ngokon’n Jean danni nin awi se’n.

Marc 9:2

Loo ke Jésu ede njékuwe-girnge tà yoo’n se kunde loo tee le’n dann njé ke koo’t, ra ndɔ mute-mute ɓaa, è ɔr Pierre, Jacques se Jean njɔl ade awi se’n dɔ dè mbal karé’t bè. Ra’n tel waks tàkum de’t.