Marc 13:13 - Nouveau Testament en Gulay 2004

¹³ Dooge malang à ɔri sei njêt tede tà le’m. Nè doo ke orè tà’n njak sár wei’n ɓaa, Nube à aje’n.

Marc 13:13 Iomraidhean Croise

Matthieu 10:22

Dooge malang à ɔri sei njêt tede ri’m man. Nè è ke nda dè njann’t njáng sár ndɔ ke ngeinn’t ɓaa, Nube à aje’n.

Matthieu 24:13

Nè nanan ke nda dè njann’t njáng sár ndɔ ke ngeinn’t ɓaa, d’a d’aje’n.

Matthieu 24:9

D’a tuwe sei ra kum si ndoo a, d’a tɔl sei a, dooge ke geri Nube lé à ɔri sei njêt a tɔ, tede ri’m man ke m’ee Ngonn doo nga.

Marc 13:12

Ngakon nange ke dingem joo à unni dè nan. Njè ke tɔge à unn dè njè ke ndêin kade dé tɔl’n. Bɔ ngannge à unni dè ngann dege le kade dé tɔl de a, ngannge géa à unni dè bɔ dege le kade dé tɔl de a tɔ.

Tà ke Maje ke Luc ndang 21:17

Dooge malang à ɔri sei njêt tede ri’m man ke m’ee Ngonn doo nga.

Tà ke Maje ke Luc ndang 6:22

Ke nè á dooge ɔri sei njêt a, dé mbate sei a, dé taje sei a, se d’an sei ke dooge ke majelé tede k’ee ke sei njékuwe-gir’m man ke m’ee Ngonn doo nga ɓaa, adi ra si nel sei!

Jean 15:21

Nè dooge à rai se si nyange nè malang tede ri’m man a, tede ger ke ei geri njèkule’m nga lé a tɔ.

Jean 17:14

M’ribe dè tà lei made de, nè njé ke dè nang nè ɔri de njêt tede dé le nang nè lé titeke man géa m’ee le nang nè lé nga tɔ.

Nje Ke Rome 2:7

Njé ke sangi le rai nyan ke maje se ndɔ de-ndɔ de tede le kinge’n ndubra le Nube a, riɓar a, se ndikumgajer se non a tɔ nga, Nube à ade à ndii se’n sár se non.

Nje Ke Galatie 6:9

Adi kem̂ jéi tête mann dè ra nyan ke maje’t nga lé. Ke nè á j’adi ji jéi sɔl giré lé ɓaa, ndɔn’t j’à j’ujei kann’n ɓai.

Hebreuge 10:39

Dooge ke nange inyei go kundekem̂ le de kɔke awi dann tuju’t. Jèi nga jèi tite de lé. Jèi ɓaa, j’undei kem̂ jéi dè Nube’t tede kaje’n ngarankum ra jéi.

Hebreuge 3:14

Ke nè á jè ndai njáng dè kundekem̂’t le jéi ke desêin sár ndɔ ke ngeinn’t ɓaa, j’à j’oréi nan se Krist dè nyanbawge’t le’n kerɔte kuwe.

Jacques 1:12

Doo ke oré tà’n njak dè nyange ke nann’t ɓaa, ra’n à nel’n. Doo ke orè tà’n njak dè nyange ke nan-in nin ɓaa à inge jɔkɔ kunn banga le ndii’n kumgajer. Jɔkɔ kunn banga nga, ndɔ ke Nube unn’n ndu’n le kade njé ke tárii.

1 Jean 3:13

Ngakonmge, ke nè á dooge ke dè nang nè ɔri sei njêt ɓaa, adi ndil si tee an-in soin-soin lé.

Lookilera’n 2:10

I ɓel nyankumndoo ke à rai nga lé. An! njè kem̂ majelé à tile dooge ke nange dann si’t dangai’t tede nan’n sei. Nyantosowur à ra sei ndɔ dɔg. Um kem̂i dèm’t i nda njang sár ndɔ kwei’t ɓaa, m’a m’adi jɔkɔ kunn banga ke ndikumgajer nga tɔ.

Lookilera’n 3:10

Ndɔ ke m’unn ndu’m m’adi kade oré tài njak dè kundekem̂’t. Ɗarinè i an dè ndukunn le’m nga sêw-sêw; ɓaa, man géa, man m’ee der giri ndɔ nyantosowur’t. Kerɔte kuwe, nyantosowur à ree le nan dooge malang ke ndii dè nang nè.