Marc 13:11 - Nouveau Testament en Gulay 2004

¹¹ Loo ke d’ade tuwe sei kaw se si non njékonɓeege’t le kade gangi tà dè si’t ɓaa, adi kêm si tò kekek dè tà ke a i tami nga lé. Nube kuwe à ule tà ke a i tami tà si’t kêm ndɔn’t nè nga. E Ndil-Kêmnda á à ule tà tà si’t kade i tami.

Marc 13:11 Iomraidhean Croise

Matthieu 10:17

I ndai kêm si se dooge lé, tede à ulei sei ji njégangtàge’t a, à tundei sei se ndêin maru kêm kei kebe nange’t a tɔ.

Marc 13:12

Ngakon nange ke dingem joo à unni dè nan. Njè ke tɔge à unn dè njè ke ndêin kade dé tɔl’n. Bɔ ngannge à unni dè ngann dege le kade dé tɔl de a, ngannge géa à unni dè bɔ dege le kade dé tɔl de a tɔ.

Marc 13:9

Nè sei ɓaa, kêm si dè ra si’t ɔje dè nyange ke d’ade ra se si. D’ade tuwe sei kaw se si gangtà dè si’t a, d’ade tunde sei kêm kei kebe nange’t a tɔ. D’ade kali sei kaw se si non njékonɓeege’t se non ngar-ɓeege’t a tɔ, tede tà le’m man le kade ɔri go tà le’m adi de.

Tà ke Maje ke Luc ndang 21:12

Nè kété ɓita kade nyange nè teei ɓai nga, d’a tuwe sei a, d’a ra kum si ndoo a, d’a d’ule sei ji ngar dè kei kebe nan a, d’ade ɓuku sei dangai’t a, d’ade kali sei kaw se si non ngar-ɓeege’t se non njékonɓeege’t a tɔ. D’a ra se si nyange nè nga titeke bè tede’m man.

Jean 3:27

Jean ede de ede nè: – Doo asekum kinge nyan se dè ra’n lé. Nyan ke Nube kuwe ade doo tá doo asekum kinge.

Nyanra Njekawkulege 2:4

Dé malang, Ndil-Kêmnda taa kêm de pel-pel ade d’unn gir tam tà tam dooge ke rang gai-gai se go tà ke Ndil ade de le kade dé tam.

Nyanra Njekawkulege 3:13

Nube le kà jéige Abraham, Isaac se Jacob ule ndubra dè Jésu Ngonn njèkule’t le’n. Jésu nga, sei ulei nin ji njékonɓeege’t a, i naji se ra si dènn’t tàkum Pilate’t a tɔ; nè è an titeke kinye Jésu dɔ è soo’t.

Nyanra Njekawkulege 4:31

Loo ke d’ɔje tà se Nube titeke bè gir gang ɓá ɓaa, loo ke dé kebe nan tutu ule yirk-yirk. Ndil-Kêmnda taa kêm de pel-pel malang ade d’ile mber tà le Nube se kêmnda káng.

Nyanra Njekawkulege 6:10

Nè ei asikum naji se’n tà dum lé tede è tam tà se go kumkunju ke Ndil-Kêmnda ade’n.

Nyanra Njekawkulege 6:15

Kum njégangtàge malang è dè Etienne’t sikm. D’an tàkum’n tò tite tàkum doo ke danrán bè.

Nyanra Njekawkulege 7:55

Nè Etienne nga Ndil-Kêmnda taa kêm’n pel-pel. E an loo ke danran sêw-sêw ɓaa, an ndubra le Nube. Taɓai è an Jésu nda se nja’n dɔ dè jikon Nube’t.

1 Nje Ke Corinthe 2:13

Jè tam tà le nyan-nojege nè nga se go nyan-ndó ke ɔje dè ger gos tam tà le dooge ke nang nè karè lé. Nè jè tam tàge nè nga se go nyan ke ndó ke Ndil-Kêmnda á ndó jè. Gir’n ke nè á j’ɔr’n gir nyange le Ndil j’ade njé ke Ndil ndi kêm de’t.

Nje Ke Ephese 3:5

Nyan ke tò loo ɓɔyɔn’t nè nga, Nube ribe dè ade dooge ke kété mari gerii lé. Nè ɗarinè, è ribe dè se go Ndil’n ade njékawkulege se njéribe-dè-tàge ke tànn’t ke tooi se ninn de gai se go Ndil.

Jacques 1:5

Ke nè á doo karé dann si’t nal kumkunju ɓaa, maje kade kɔ Nube. Nube è njè kade dooge malang nyan se kem̂ karé anje ndáng de.

1 Pierre 1:12

Nyange ke njéribe-dè-tàge ke tà Nube’t ribei dè kété nga, Nube tee se gir ade geri titeke nyange ke è ade dé ribe dè nga ɔje dè de lé, nè ɔje dè si sei. Nyange ke njéribe-dè-tàge ke tà Nube’t ribei dè kété mari nga, ɗarinè njékile mber Tà ke Majege ilei mber’n adi sei se go Ndil-Kem̂nda ke d’ule’n danrán d’ade de. Dooge ke danrán kuwe géa, ngur ter nyange nè nga ra de pênn-pênn.