Marc 12:7 - Nouveau Testament en Gulay 2004

⁷ Nè njéra kule kêm ndɔr nduu’t nè edi nan edi nè: «An-in! njè ɓa nyan-ndube ke ndɔ ke rang nga. I reei ade j’umi tà le jéi nan’t, jè tɔli nin ɓaa, ndɔr nduu nè à tel k’ee nyankinge jéi.»

Marc 12:7 Iomraidhean Croise

Matthieu 2:16

Loo ke Hérode an titeke baw-nyangerge ulei mbe dènn’t ɓaa, wong ase’n nák. E ule ade dé tɔl ngannge ke dingem malang ke rai ɓal joo se njé ke ɓal de ase joo lé ɓai a tɔ. Se go kurloo ke baw-nyangerge ɔji Hérode nga, è ade d’unn gir tɔl ngannge ke dingem kêm ɓee ke Bethléhem sár d’ɔse’n ngei ninn ɓeekon le’n bere mbak.

Matthieu 21:34

Loo ke nan kuje kann nduu ase ɓá ɓaa, è ule ngann njéndige le’n ra njéra kule ndɔr nduuge’t le kade adi nin kann nduu ke ɔje dè’n.

Marc 12:12

Njékɔr non Juipge geri titeke Jésu tam gostà nè ɔje’n dè de. Ei sangi le kade d’uwe’n, nè ɓeli kum doobulege ɓaa, ei inyei nin ɔti awi.

Marc 12:6

Kuwe-ndɔr nduu nè aw se ngonn ke dingem ke dagi. E tár’n ngain. E nè kuwe karé luk-luk á nain. E ule’n ke ngei njékulege le’n ra njéra kule kêm ndɔr nduu’t ede nè: «D’a ɓel ndil ngonn kêm’n.»

Marc 12:8

D’in d’uwe’n, dé ndɔr’n kêm ndɔr nduu’t d’aw se’n ngang loo’t nata, dé tunde’n njanm-njanm dé tɔl’n.

Nyanra Njekawkulege 2:23

Doo nè nga, Nube ule’n ji si’t se go rebe ke ndɔ ɔje se go nyanger le’n kété mari ke desêin. Sei in-in se’n ke kété ulei ji dooge ke ei Juipge lé adi ɓeri nin kàde kage-ke-dese’t tɔli nin.

Nyanra Njekawkulege 5:28

– Ké kété j’unn ndu jé le kade i ndói dooge nyan se ri doo nyan le doo nga njing lé wa? An-in! nyan-ndó le si ke sei ndói dooge nga taa kêm ɓee-bò ke Jérusalem pel-pel. Ké sei ndigi kade tà mese doo nyan le doo nga uwe de jé jè ta wa?

Nyanra Njekawkulege 7:52

Ké njèribe-dè-tà ke ra dann madennge’t á kà sige nali rai kum’n ndoo wa? Ei tɔli njé ke kété ilei mber ree le njè ra nyan se dè naje’n ke karé luk-luk. E nga ɗarinè sei teli sei njé kunn dènnge se njé tɔlnge.

Hebreuge 1:2

Nè kem̂ ndɔge ke ngeinn’t ɗarinè ɓaa, Nube ade Ngonn kem̂’n kuwe ree ede jèi tàge le’n ade j’ooi. Nube ɔr’n unde’n ke njè kɔi nyan-ndubege malang. E unde nyange se dooge malang takul Ngonn’n nè nga.