Marc 12:43 - Nouveau Testament en Gulay 2004

⁴³ Jésu ɓar njékuwe-girnge ke rann’t ɓaa, è ede de ede nè: – Kerɔte kuwe, man m’ede sei ndàt, ngann nar ke njèkei-kinge um nè nga dum dè nar malang ke njé ke rang umi.

Marc 12:43 Iomraidhean Croise

Matthieu 10:42

Man m’ede sei ndàt, nanan ke ɔde mann ke sɔl kêm kalmann karé luk-luk ade ngonn karé dann madennge’t ke ei njékuwe-girmge’t tede k’ee ke è njèkuwe-gir’m ɓaa, à nal nyan-kunde nja’n ndan lé.

Marc 12:42

Njèkei-kinge karé bè ree se ngann sile ke njêk-njêk joo um kêm mbu nar’t nè nga tɔ.

Marc 12:44

Njé ke rang malang ɓaa, unni tà nar ke ase de nák-nák á ilei. Njèkei-kinge nè nga, unn nyan ndoo le’n ke ayé ngonm’n ra’n mbak ade.

Jean 8:20

Jésu ndi ngɔr se ke kɔg-loo ngonm nar’t. E tam tàge nè nga loo ke ndi à ndó’n de nyan kêm kei le Nube. Nè doo karé bè géa uwe’n lé tede kàde’n le’n nain ɓai.

Nyanra Njekawkulege 11:29

Njékuwegir-Kristge ɔji njáng le kulei se nyan, ra’n se njétaakêm-Kristge ke ndii kêm ɓeekon ke Judée. Nanan géa unn nyan ade se go nyankinge’n-kinge’n.

2 Nje Ke Corinthe 8:12

Loo ke doo unn nyan ke tò jinn’t ade se go kêmndige le’n ɓaa, Nube taa nyan nè jinn’t se ranel m ɔr se’n nja nyan ke tò jinn’t lé.

2 Nje Ke Corinthe 8:2

Njékebe nange le Nube ke Macédoine nga, nyantosowurge gai-gai ra de a, ndoo al dè tɔge de a tɔ. Nè né è bè géa oréi dè nang gan uwei noje se go dege se non dege se kêmnda káng.