Marc 12:38 - Nouveau Testament en Gulay 2004

³⁸ Loo ke Jésu ndi à ndó dooge nyan ɓaa, è ede de ede nè: – Undei kumkunju dè ra si’t nè a kin-in ndaji nyanra njékɔrgir gute-nduge. E ndigi ringei se kubu ke ngal julul-julul a, ndigi kade dooge rai de lapya ndá-looge’t a tɔ.

Marc 12:38 Iomraidhean Croise

Matthieu 10:17

I ndai kêm si se dooge lé, tede à ulei sei ji njégangtàge’t a, à tundei sei se ndêin maru kêm kei kebe nange’t a tɔ.

Matthieu 6:5

Loo ke a ɔji tà se Nube ɓaa, i rai titeke njékede gosge rai nga lé. Dé nga, dé ndige kɔje tà se Nube kade kum dooge an de njung kêm kei kebe nange’t a , se ngang rebege’t a tɔ. Kerɔte kuwe, man m’ede sei ndàt, dé nè nga d’inge nyan-kuge dè ji de ɗarinè ɓá ta.

Marc 12:39

Njékɔrgir gute-nduge nga ndigi ndii loo ke kété non kosdooge’t kêm kei kebe nan’t. Loo ke dé ɓar de loo nyankuse’t géa, ei ndigi ndii loo ndi dooge ke bò’t kété a tɔ.

Marc 4:2

E unn sertàge ndó’n de nyan ngain. Loo ke è ndi à ndó de nyange ɓaa, è ede de ede nè:

Tà ke Maje ke Luc ndang 11:43

Sei Pharisienge a an-in ɓai! Sei ndigi ndii kété non dooge’t kêm kei kebe nange’t a, sei ndigi kade dooge rai sei lapya ndá-looge’t a tɔ.

3 Jean 1:9

M’ndang tà karè bè ke ase loon’t m’ade njékebe nange le Nube. Diotrèphe ke ndige k’ee ngawtà de nga ute tà le jé mbeng.