Marc 12:37 - Nouveau Testament en Gulay 2004

³⁷ David ke karé nè kuwe ɓar doo nè nga Kuwe-ɓee Nube le’m. A ɓaa, ké Kuwe-ɓee le’n à tel k’ee ngonn’n titeke bain taɓai wa? Tà ke Jésu ndó kosdoo-bulege nga, nel de ngain ade uri mbi de tchên ke rann’t.

Marc 12:37 Iomraidhean Croise

Matthieu 1:23

«An! ngomande ke nal ger dingem ɓai a ndann ngonn, a oje ngonn ke dingem, d’a d’ile ri’n nè Emmanuel.» Tel se tà koje jéi ɓaa, è «Nube nain se jéi».

Matthieu 11:25

Kêm ndɔn’t nè nga, Jésu ɔje tà se Nube ede nè: – Bɔ’m Kuwe-ɓee ke danrán se nang nè, m’tɔyi tede ribe ke i ribe dè nyange nè ade ngannge ke ndêin. Nè njékumkunjuge se njégos nyangerge ɓaa i ɓɔyɔ se de dè nyange nga kák .

Matthieu 11:5

Njékumtɔge teli an-in loo a, njédɔge metege teli njiyei mong ɗáj-ɗáj a, banje ɔr ra njébanjege’t ndát-ndát a, njémbi mbege teli ooi tà njai-njai a, dooge undei loo teei dann njé ke koo’t a, Tà ke Maje nga géa d’ile mber’n d’ade njéndooge ɓá a tɔ.

Matthieu 21:45

Loo ke maw njékuje nyan-mesege se Pharisienge ooi gostàge nè bè ɓaa, kum de gang reng ade geri titeke Jésu tam tà nè ɔje’n dè de.

Matthieu 21:46

Ei sangi le kuwei Jésu nè ei ɓeli kum kosdoo-bulege tede an-in nin ke njèribe-dè-tà ke tà Nube’t.

Tà ke Maje ke Luc ndang 19:48

Nè ei geri nyan ke kum ra le tɔl’n lé tede kosdooge malang uri mbi de ke rann’t tchên le koo’n tà le’n.

Tà ke Maje ke Luc ndang 21:38

Loo ke loo ar yerer ɓá ɓaa, kosdooge malang reei som-som rann’t le koo tà le’n.

Jean 12:9

Juipge bule ngain ooi titeke Jésu ndi kêm ɓee ke Béthanie. Ei reei som-som tede le kan Jésu á se kar’n lé. Nè ei reei le kan-in Lazare ke Jésu ade tɔse ndel in gir yo’t nga tɔ.

Nje Ke Rome 9:5

Juipge nga ei girkà le dooge le Nube ke ri de ɓar ngain. Krist ke è Nube ke on ɓee dè nyange’t malang nga géa d’oje’n girkà le de dé nè nga tɔ. Maje kade dè Krist mong káng-káng sár se non! Maje kade è titeke bè kuwe.

1 Timothee 3:16

Kerɔte kuwe, nyanger le jéi ke bò ke tò loo ɓɔyɔn’t ke jè geri se go kundekem̂ le jéi nga á tò nè: Krist unde loo tee pan tel ra’n tite jéi jèi dooge bè, Ndil-Kem̂nda ɔr tà dènn’t. Dooge ke danrán an-in nin loo kunde loo tee dann njé ke koo’t a, loo kin kaw danrán’t a tɔ. D’ile mber tà le’n dann dooge ke ei Juipge lé. Dooge ke dè nang nè undei kem̂ de dènn’t a, d’unn’n mbeng d’aw se’n danrán dann ndubra’t a tɔ.

Jacques 2:5

Ngakonm ke m’tár sei ooi maje. Ké è Nube kuwe á tɔr njé ke d’an de ke njéndooge ke dè nang nè le kade ei baw kundekem̂ge lé wa? Ké è Nube kuwe á tɔr de kade on-in se’n ɓee le’n titeke unn’n ndu’n ade njé ke tári nin nga lé wa?

Lookilera’n 22:16

Man Jésu kuwe á m’ule doo le’m ke danrán kade aw ɔrgo tà nyange nè ade sei njétaakem̂-Kristge malang loo kebe nange’t le si. Man m’ee ngonnkà David a, m’ee mbonron lookar a tɔ.»