Marc 12:35 - Nouveau Testament en Gulay 2004

³⁵ Loo ke Jésu ndi à ndó dooge nyan kêm kei le Nube ɓaa, è deje de ede nè: – Ké è titeke bain á njékɔrgir gute-nduge tami edi nè Krist nga è ngonnkà David karè wa?

Marc 12:35 Iomraidhean Croise

Matthieu 26:55

Kêm kàdenn’t nè nga, Jésu deje kosdoo-bulege ede nè: – Ké man m’ee ngar le njékɔse tà se njékonɓeege á i reei se kuye kaskarge se ɗugur kagege ji si’t kêl-kêl tá le kuwe’m wa? Ndɔ karé-karé malang m’ndi nang dann si’t m’ndó dooge nyan kêm kei’t le Nube a tɔ. Nè sei uwei man lé.

Matthieu 9:27

Loo ke Jésu ɔte loon’t nè le kaw ɓaa, njékumtɔge joo tami tà se ndu ke bòi beng ndoléi goo’n edi nè: – Ngonnkà ngar David, an kumtondoo le jé kɔkrɔ karè.

Marc 10:1

Jésu in kêm ɓee ke Capernaum aw kêm ɓeekon ke Judée gide ba ke ri’n Jourdain. Doobulege ngain teli kebi nan rann’t. E unn gir ndó de nyan titeke ra’n kété-kété.

Marc 11:27

Jésu se njékuwe-girnge teli reei kêm ɓee-bò ke Jérusalem gugu. Jésu njiye kêm kei le Nube. Ke loon’t nè kuwe, maw njékuje nyan-mesege se njékɔrgir gute-nduge se ngatɔgege reei rann’t deji nin edi nè:

Marc 14:49

M’ndi se si dann kada se ndɔge malang m’ndó dooge nyan kêm kei le Nube. Nè sei uwei man lé. Nè nyan nè nga tee titeke bè le kade nyange ke dé ndang tà’n kêm Magtubge’t le Nube nga, awi loon’t deĵ gar-gar.

Tà ke Maje ke Luc ndang 19:47

Jésu ndó dooge nyan kêm kei le Nube se ndɔ karé-karé malang. Maw njékuje nyan-mesege se njékɔrgir gute-nduge a, se dooge ke kum de unju sangi le kade dé tɔl’n.

Tà ke Maje ke Luc ndang 20:1

Ndɔ karé bè, Jésu ndi ndó dooge nyan a, ile mber Tà ke Maje kêm kei le Nube a tɔ. Maw njékuje nyan-mesege se njékɔrgir gute-nduge undei loo teei pan se dooge ke kum de unju ɓaa, ei deji Jésu edi nè:

Tà ke Maje ke Luc ndang 21:37

Jésu ndó dooge nyan se ndɔge malang kêm kei le Nube. Nè loo ke ndɔ il ɓá ɓaa, è unde loo tee aw tò dè mbal ke kage olivierge ndai tutu.

Jean 18:20

Jésu ile’n dè’t ede nè: – Man m’ede dooge malang ke dè nang nè tà nata mbeng. M’ndó de nyan se ndɔge malang kêm kei kebe nange’t se kêm kei le Nube ke è loo kebe nan le Juipge malang. Nyan ke ndɔ ke m’ndó de nga è se go ngein lé.

Jean 7:42

Bethléhem nga è ngonn ɓee kɔje ngar David. Ké magtub ke tò se ninn’n tam titeke Krist nga à in Bethléhem girkà’t le ngar David nga lé wa?