Marc 12:28 - Nouveau Testament en Gulay 2004

²⁸ Njèkɔrgir gute-ndu karé bè oo ndu de ke dé naje’n nan tà. E an tite Jésu ile Saddusienge dè’t maje ngain ɓaa, age meen-meen ree rann’t deje’n ede nè: – Dann gute-nduge’t malang nga, ké è ke ra dum dè madege malang wa?

Marc 12:28 Iomraidhean Croise

Matthieu 19:18

Doo nè nga tel deje Jésu ede nè: – Ké ndukunn ke ra taɓai wa? Jésu tel ilé dè’t ede nè: – I a tɔl doo lé; i a sang dinye le doo lé; i a ɓoge lé; i a tête tà kunde tà doo’t lé;

Matthieu 23:23

Sei njékɔr gir gute-nduge se sei Pharisienge, a an-in ɓai! Sei ugei dime mbi targe ke ri de nè menthe se fenouil, se cumin a tɔ. Nè nyan ke bò ngain ke gute-ndu ɔje ke tite nyanra ke se dè naje’n, se kêmkanm se kundekêm a tɔ nga ɓaa, sei dannii undeii ngangé karè. Dége nè nga, dé nyange ke né gar-gar a i rai de kété anje kin bal dè gute dege ke rang.

Matthieu 5:19

E ke altà tà ndukunn’t karé dann ndukunnge ke ndêin-ndêin nè a, ndó dooge le kade rai titeke bè a tɔ nga ɓaa, d’a d’an’n ke ngonn ke ndêin bè dum madennge malang kêm Konɓee ke danrán. Nè nanan ke an dè ndukunnge nè nga sêw-sêw a, ndó dooge kade rai titeke bè tɔ ɓaa, d’a d’an’n ke doo ke bò kêm Konɓee ke danrán.

Marc 9:14

Jésu se njékuwe-girnge ke mute teli à reei ke ra njékuwe-girnge ke rang. Ei an-in doobulege gugi dè njékuwe-girnge ke rang nè nga wàk. Njékɔrgir gute-nduge ndii à naji se de tà ke kété-kété.

Tà ke Maje ke Luc ndang 11:42

Sei Pharisienge, a an-in ɓai! Kam nyange ke ri de nè menthe se gɔje-ndube se kam wubu géa, ke nè á è dɔg ɓaa ɔri tà karé adi Nube. Mbi targe malang géa, ke nè á è dɔg ɓaa, unni karé adi Nube a tɔ. Nè nyanra ke se dè naje’n a, tár Nube a tɔ nga, sei an-in de ke nyan lé. Nyanra ke se naje’n se tár Nube nga, ei nyange ke a i rai de gar-gar kété ɓita nyange ke rang à orèi go de ɓai.

Tà ke Maje ke Luc ndang 20:39

Njé ke nange ei njékɔrgir gute-nduge unni tà tami edi nè: – Njèndó dooge nyan, i ger kile de dè’t maje ngain.