Marc 12:24 - Nouveau Testament en Gulay 2004

²⁴ Jésu ede de ndàt ede nè: – Sei geri Magtub le Nube lé a, tɔgmong le’n lé a tɔ. Gir’n ke nè á in-in ilei tà kɔke salang. Ké è bè lé wa?

Marc 12:24 Iomraidhean Croise

Matthieu 22:29

Jésu tel ile de dè’t ede nè: – Sei ndemi uri walé ɓá ta, tede sei geri magtubge ke tooi se ninn de nga lé a, tɔgmong le Nube géa sei geri lé a mbak.

Marc 10:27

Jésu an de gerer ɓaa, è ede de ede nè: – Dooge asikum kaji ra de lé, nè Nube asekum kaje de, tede nyan ke à dum’n goto.

Marc 12:23

Loo ke ndɔn’t dooge à undei loo teei dann njé ke koo’t ɓaa, ké nan dann de’t á à è ngaw dinye nè wa? Kerɔte kuwe, dé ngakon nange ke ji sejimute nè nga, dé taa’n ke dinye le de mbak.

Marc 12:25

Ndɔ ke dooge à undei loo teei dann njé ke koo’t ɓaa, dingemge se dinyege à taai nan lé, nè à ndii tite dooge ke danrán bè.

Tà ke Maje ke Luc ndang 1:37

Tede tɔgmong le Nube asekum ra nyan malang.

Jean 20:9

Magtub ke tò se ninn’n tam kété mari ede nè: Jésu à unde loo tee dann njé ke koo’t gar-gar. Sár ɓila njékuwe-gir-Jésuge geri gir tà nè njai lé ɓai.

Jean 5:39

Sei teri kêm Magtub ke tò se ninn’n tede sei geri kêm si’t titeke takul de á a ingeii ndikumgajer se non. Nè Magtubge nè nga ei njékɔrgo tàge ke ɔje dè’m.

Nyanra Njekawkulege 17:11

Juipge ke Bérée nga uwei Paul se Silas ke ra de’t maje dum njé ke kêm ɓee-bò ke Thessalonique. Dé taa Tà ke Maje kalang, nè se ndɔ karé-karé dé nder gir tà ke kêm magtubge’t le Nube le kan, ké tàge ke Paul ede nga è titeke bè kuwe wa?

Nje Ke Rome 15:4

Nyange malang ke dé ndang tà’n kêm magtub’t kété mari nga, dé ndang de le ndó’n jèi nyan. Magtub ke tò se ninn’n ndó jèi korè tà njak se sɔlkêm ke j’ingei tà’n kêm Magtub’t le Nube tede kade j’undei kêm jéi tchên ke dènn’t.

Nje Ke Ephese 1:19

M’deje Nube ɓai le kade ade kum si gang dè tɔgmong le’n ke kile ke nata tede jéi jèi njétaakem̂-Kristge. Tɔgmong ke bò nè nga, è è ke ndɔ

Nje Ke Philippes 3:21

Ra jéi ke dang’t ra’n ade uwe ndoo mɔngong nga, Jésu-Krist à tel’n le kade tò tanan se le’n ke ndoin kein-kein. E aw se tɔgmong le dum’n dè nyange malang, ule’n de wɔr-wɔr.