Marc 12:14 - Nouveau Testament en Gulay 2004

¹⁴ Ei reei rann’t edi nin edi nè: – Ngar, jè ger titeke i njè tam ngarankum tà kuwe. I njè ndête kum doo lé a, i njèkɔr kum doo lé a tɔ. I ndó dooge ngarankum nyan ke Nube ɔje a tɔ. Kuge tir le ngar ke bò César nga, è loon’t lé wa? Gar-gar, j’à j’ugei éké j’à j’ugei lé wa? Ede jè.

Marc 12:14 Iomraidhean Croise

Matthieu 22:16

Pharisienge ɔri pajage le de se njé le Hérode ulei de ra Jésu kade deji nin edi nè: – Njèndó dooge nyan, jè ger titeke i i njè kusu dè tà lé a, rebe nyange ke Nube ɔje ke i ndó dooge nga è ngarankum tà kerɔte kuwe. I i njè ndête kum doo karé bè tede nyankinge’n éké tede girkoje le’n lé a tɔ.

Matthieu 22:17

Ede jè, tà gir lei dè tà’t nè: Kuge tir César nga, è nyan ke kum ra éké kum ra lé wa?

Marc 12:13

D’ɔr Pharisienge se pajage le Hérode Antipas ke nange d’ule de ra Jésu’t le kade uwei nin se tà se go tà ke à tee tànn’t.

Marc 12:15

Nè Jésu ger kede gos le de mbak ɓaa, è deje de ede nè: – Ké bain á ulei kêm’m wa? E ede de ede nè: – I reei se nar kule ke ndɔ karé nga adi man!

Marc 14:45

Loo ke Judas tee pan ɓaa, ke loon’t nè kuwe, aw ngɔr ke ra Jésu’t ɓar’n ede nè: – Kuwe jé! Go’t gugu ɓaa è ra’n lapya uwe’n kàdenn’t sêm.

Tà ke Maje ke Luc ndang 20:22

Jè deji le kade ede jè, ké gute-ndu le jé inye loo ade jè le kade j’ade tir ngar César éké ɔge jè kade’n tir wa?

Tà ke Maje ke Luc ndang 23:2

Ke loon’t nè kuwe d’unn gir tête tà kunde tànn’t d’ede nè: – Doo nè nga j’inge’n dè ndi ke è ndi tur kum kosdooge le jé. E ede de le kade d’ɔge tir ngar César. Taɓai è ede nè: nè kuwe karé bere n’ee Krist ngar ke Nube ule se’n ade jéi.

Jean 7:18

Doo ke in se dè’n tam tà nga, sang riɓar ke ɔje dè’n è kuwe. Nè doo ke sang riɓar ke ɔje dè njèkule’n nga ɓaa, è ngarankum doo kerɔte kuwe. Nyanra ke nal naje’n karé bè géa goto rann’t.

Nje Ke Rome 13:6

Gir’n ke nè tɔ á sei ugei tirge. Njétaa tirge nga, è Nube kuwe um kule nè nga ji de’t kade rai se ngang’n lêr-lêr.

2 Nje Ke Corinthe 2:17

Jè jè njé tel Tà le Nube ke nyan gate tite njé ke nange bule rai nga lé. Jè nga, jè dooge ke j’um nan’t bɔk se Krist. Gir’n ke nè á, Nube ade j’ile’n mber j’ade sei se kêmnda káng nonn’t.

2 Nje Ke Corinthe 2:2

Tede ke nè á man kuwe m’tel m’ade sei kêmkon ɓaa, ké nan à ade’m ranel wa? Ké è ke m’ade’n kêmkon nga kuwe á à ade’m ranel nga lé wa?

2 Nje Ke Corinthe 4:1

Nube ade jè ra kule nè nga se go kêmkanm le’n. Gir’n ke nè á j’ade kêm jé tête’n mann lé.

2 Nje Ke Corinthe 5:11

Jè ɓel Ndil Kuwe-ɓee Nube. Gir’n ke nè á jè sang’n le kade dooge undei kêm de dènn’t. Jè nga Nube ger jè ndát-ndát mbak. Sei géa, m’gir titeke i geri jè kêm si’t maje titeke Nube ger’n jè bè tɔ.

2 Nje Ke Corinthe 5:16

Unn gir ɗarinè nga, jè ger doo se go danra lé ta. Ke nè á kété jè ger Krist se go danra ɓaa, ɗarinè jè ger’n se go danra titeke bè lé ta.

Nje Ke Galatie 1:10

Ɗarinè, ké m’aw ndoo taa kum dooge éké m’aw ndoo taa kum Nube wa? Ke nè á m’sang le taa kum dooge karè ɓaa, bainléa ɓila man m’ee le Krist lé ta.

Nje Ke Galatie 2:6

Njé ke d’an de ke dooge ke bòi nonm’t kété nga usu’m nyan karé dè de’t lé. Nube nga è njè ndête kum doo karé bè lé. Njé ke d’an de ke dooge ke bòi nga, dé ndoo’m nyan ke kige karé bè lé.

1 Nje Ke Thessalonique 2:4

Nè Nube ter jè njúng ɓita um kule kile mber Tà ke Maje le’n nga ji jé’t ɓai. Jè j’ile mber Tà ke Maje tede taa’n kum dooge lé, nè le taa’n kum Nube ke njè ter ɓengre jé.