Marc 12:12 - Nouveau Testament en Gulay 2004

¹² Njékɔr non Juipge geri titeke Jésu tam gostà nè ɔje’n dè de. Ei sangi le kade d’uwe’n, nè ɓeli kum doobulege ɓaa, ei inyei nin ɔti awi.

Marc 12:12 Iomraidhean Croise

Matthieu 21:26

A ke nè á j’edi nè: «Gir’n in ra dooge’t» ɓaa, a in-in se jéi se tà tede dooge malang an-in Jean ke njèribe-dè-tà ke tà Nube’t.

Matthieu 22:22

Loo ke d’oo tà nè nga bè ɓaa, tà ige de sêl ade d’inye Jésu d’in mênênn-mênênn d’aw loo le de.

Marc 11:18

Maw njékuje nyan-mesege se njékɔrgir gute-nduge ooi sertà nè. Ei sangi ké se rebe ke ra n’a tɔli Jésu wa? Nè dé ɓel’n tede doobulege malang nga, ndil de tee an-in soin-soin dè nyan ke è ndó de se ndɔge-ndɔge.

Marc 11:32

Ke nè á j’à j’ilei n’ee dè’t kedi nè: Gir’n in ra dooge’t ɓaa, kosdoo-bulege à in-in se jéi se tà ke le de tɔ. Dé ɓel kosdoo-bulege tede dooge malang an-in Jean ke ngarankum njèribe-dè-tà ke tà Nube’t.

Tà ke Maje ke Luc ndang 20:19

Njékɔrgir gute-nduge se maw njékuje nyan-mesege sangi rebe le kade d’uwe Jésu ke loon’t nè, nè ei ɓeli kum dooge. Ei geri se kêm de mbak titeke tà ke è tam nè nga ɔje dè de n’ei kuwe.

Tà ke Maje ke Luc ndang 20:6

Ke nè á jè tami j’edi nè: «Ndukunn nè nga in ra dooge ke dè nang nè karè» ɓaa, dooge malang à tilei jéi se kuberi her tɔli jèi, tede dooge malang geri kêm de’t mbak titeke Jean è njèribe-dè-tà ke tà Nube’t.

Jean 7:25

Loo ke dooge ke nange ke Jérusalem an-in Jésu ɓaa, ei tami edi nè: – Ké è n’ee nga dé sang le kade dé tɔlé nè lé wa?

Jean 7:30

Loo ke Jésu tam tà nè titeke bè ɓaa, dé sang le kuwe’n, nè doo karé bè géa ule ji’n ɔde’n lêm lé tede kàde le’n nain ɓai.

Jean 7:44

Njé ke nange dann de’t ndigi le kuweii, nè doo karé bè géa ule ji’n ɔde’n lêm lé.