Marc 12:10 - Nouveau Testament en Gulay 2004

¹⁰ Magtub ke tò se ninn’n tam ede nè: «Kuberi her ke njékunde keige an-in ke nyan lé nga, tel è njè mong kum kei ke get-get.

Marc 12:10 Iomraidhean Croise

Matthieu 12:3

Jésu deje de ede nè: – Nyan ke ndɔ ke David ra nga, ké sei i tutei tà’n an-in lé wa? Ndɔ karé bè ɓo ra’n. Njé ke awi se’n géa ɓo ra de tɔ.

Matthieu 19:4

Jésu ile de dè’t ede nè: – Tà ke kêm magtub’t nè nga, ké sei i tutei an-in lé wa? Oiyo, kété ke desêin sàk-sàk nga, Nube Njèkunde nyange malang unde dingem karé se dinye karé a tɔ.

Matthieu 21:16

– Ké i oo tàge ke ngannge tami nga wa? Nè Jésu tel ile de dè’t ede nè: – Oiyo, m’oo maje kuwe. Tà ke Magtub tam ede nè: «I ade tà ngannge ke ndêin bè se ngannge ke à ili mba teen se pa ɗɔyi nin» nga, ké sei i tutei nja karé ndan lé ɓai wa?

Matthieu 21:42

Jésu tel ede de ede nè: – Tà ke dé ndang kêm magtub ge ke tò se ninn’n d’ede nè: «Kuberi her ke njékunde keige mbati nin nga, tel è kuberi her ke njè mong dè kum kei. E ke nè á è kule ra Kuwe-ɓee. Jè j’an ke nyan ke dum kum jé.» Tà nè nga ké sei tutei ndɔ karé bè ndan lé ɓai wa?

Matthieu 22:31

Tà ke Nube tam ede sei ɔje dè dooge ke à undei loo teei koo nga, ké sei tutei an-in lé ɓai wa? Nube tam ede nè:

Marc 12:26

Tà ke ɔje dè dooge ke à undei loo teei dann njé ke koo’t nga, ndɔ ke Nube ede Moise tà’n kété ede nè: «Man Nube le Abraham, le Isaac, le Jacob a tɔ.» Nube ede Moise tà nè kɔte ngonn kage ngarr’t ke on por bilm-bilm. Ké bain á i tutei magtub ke Moise ndang ɔje’n dè tà nè nga an-in lé wa?

Marc 12:9

Jésu deje maw njékuje nyan-mesege se njékɔrgir gute-nduge se ngatɔgege a tɔ, ede nè: – Ké ri á kuwe-ndɔr nduu à ra ta wa? E à aw le kade dé tɔl njéra kule kêm ndɔr nduu’t. Taɓai è à tel se kule kan dè ndɔr nduu nga kum ji dooge ke rang.

Marc 13:14

Ndɔn’t a an-in njè tuju loo ke tò ɓel à unde loo tee le kaw ndi kêl loo ke ndête kade ndi tutu lé nga ɓai. Gar-gar è tà le kade njè tute magtub nè ger maje. Ndɔ’n nè nga, njé ke à ndii kêm ɓeekon ke Judée gar-gar è tà le kade an-in nan awi ke dè mbalge’t.

Marc 2:25

Jésu tel deje de ede nè: – Nyan ke ndɔ ke David ra nga, ké i tutei tà’n an-in ndan lé wa? Ndɔ karé bè, ɓo ra de se dooge le’n. Nè nyan ke kade usei goto.

Tà ke Maje ke Luc ndang 6:3

Jésu tel ile de dè’t ede nè: – Nyan ke ndɔ ke David ra nga, ké sei i tutei tà’n an-in lé wa? Ndɔ karé bè, ɓo ra David se dooge le’n ngain.

Nje Ke Rome 9:33

Titeke dé ndang’n kêm Magtub’t le Nube d’ede nè: «An-in! m’a m’unde kuberi her kêm ɓee-bò ke Sion kade tuge de ade d’aw tebel-tebel a, m’a m’unde kuberi mbal kade tuge de ade d’oso a tɔ. Nè doo unde kêm’n dè kuberi mbal’t nè ɓaa à ndi dann rasɔl’t lé.»