Marc 12:1 - Nouveau Testament en Gulay 2004

¹ Jésu unn gir kede dooge tà se gostàge ede nè: – Doo karé bè aw se loo ndɔr nduu, è man kage nduuge tutu. E ɔr gali gan’n dè wàk. E nder bolè le kade dé mboré mann nduu d’um tutu a, è ra kei ngonm loo a tɔ. Go’t gugu, è ɓar njéra kule kêm ndɔr nduuge’t um kule’n ji de’t ɓita ɔte aw mba’t dè ɓee ke rang.

Marc 12:1 Iomraidhean Croise

Matthieu 13:3

Jésu ede de tà ngain se gostàge ede nè: – An-in! njèdubu ko karé bè tee aw le dubu ko.

Matthieu 21:28

Jésu tel deje de ede nè: – Ké tà ri á sei giri dè tà’t nè wa? Doo karé bè aw se ngannge ke dingem joo. E aw ra njé ke desêin’t ede’n ede nè: «Ngonn’m, aw i ra kule kêm ndɔr nduu’t le’m ɓila ade’m.»

Matthieu 21:33

Jésu ede dooge ede nè: – Uri mbi si ooi sertà karé ke rang ɓai. Doo karé bè è kuwe-kei. E uwe loo ndɔr nduu. E ɔr gali gan’n dè a, è nder bolè le kade dé mboré’n mann nduu tutu a, è ra kei ndi ngonm ndɔr tutu a tɔ. E ɓar dooge um kule’n ji de’t ɓaa, è ɔte ɗák aw mba’t.

Matthieu 21:34

Loo ke nan kuje kann nduu ase ɓá ɓaa, è ule ngann njéndige le’n ra njéra kule ndɔr nduuge’t le kade adi nin kann nduu ke ɔje dè’n.

Matthieu 25:14

Konɓee ke danrán nga, è tite dingem karé bè ke ndi aw mba kêm ɓeekon ke rang’t. E ɓar ngann njéndige le’n ke kinge’n um nar le’n ji de’t. E ade de nar ade ase dè tɔg de, tɔg de.

Marc 11:33

Gir’n ke nè á dé tel d’ile’n Jésu dè’t d’ede nè: – Jè, jè ger lé. Jésu tel ede de ede nè: – Ke nè á è bè ɓaa, m’a m’ede sei ri njékinye loo kade m’ra’n nyange nè nga ndan lé tɔ.

Marc 13:34

Nyange nè nga tooi asinan deĵ se le doo karé bè ke inye kei le’n aw mba. Kété ɓita kade aw ɓaa, è unn ndu’n ade ngann njéndige le’n le kade nanan géa tɔse kum’n dè kule’t le’n-le’n. Taɓai è unn ndu’n ade njè ngonm tà kei le kade ndi dè njann’t kekek a tɔ.

Marc 3:23

Jésu ɓar njékɔrgir gute-nduge rann’t deje de se gos ede nè: – Ké Sú asekum tel rɔ se ra’n titeke bain wa?

Marc 4:2

E unn sertàge ndó’n de nyan ngain. Loo ke è ndi à ndó de nyange ɓaa, è ede de ede nè:

Tà ke Maje ke Luc ndang 15:13

Mbɔr go’t ɓaa, ngonn ke ndêin nè nga ige nyan-ndube le’n malang. E ɔse nja nar’n nan’t neĵ-neĵ, in’n ɗák aw’n dè ɓee ke heb aw tuju’n se goonge nonnge mbak.

Tà ke Maje ke Luc ndang 19:12

E ede de ede nè: – Doo karé bè girkoje le’n è ngar. E ndi dè njann’t tchên le kin kaw kêm ɓeekon ke heb’t le kade ngar karé ke bò unde’n ngar nú ɓita à tel ree ɓai.

Tà ke Maje ke Luc ndang 22:9

Dé tel deje’n d’ede nè: – Ké loo ke ra i ndige le kade j’uwe dè nja nyan ra nan nè nga tutu wa?

Tà ke Maje ke Luc ndang 8:10

E tel ile de dè’t ede nè: – Sei ɓaa, Nube ɔrgir nyange ke ɔje dè Konɓee le’n ke tò loo ɓɔyɔn’t nga ade sei geri ɓá. Nè dooge ke rang ɓaa, nyange ke tooi loo ɓɔyɔn’t ɔje dè Konɓee le Nube nga, d’a d’ede de se gostà. «Nyan nè nga tee titeke bè le kade d’an se kum de, nè d’an njai lé, le kade d’oo se mbi de, nè geri gir njai lé a tɔ.»

Nyanra Njekawkulege 7:38

Loo ke ndɔ ke kosdooge ke Israel kebi nan kêm dile’t nga, Moise nè è dann de’t. E è kuwe á ndɔ ke unn tà ke doo ke danrán ede’n dè mbal ke ri’n nè Sinai ede kà jéige. E taa tàge ke le ndii’n kumgajer ra Nube’t ree’n ade jèi.