Marc 11:3 - Nouveau Testament en Gulay 2004

³ Ke nè á doo karé deje sei ede nè: «Ké bain á sei tutii wa?» ɓaa, edi nin edi nè: «E Kuwe-ɓee lei Jésu á aw ndoo kin dènn’t.» Ke loon’t nè kuwe à inye sei kade i reei se ngonn koro nga.

Marc 11:3 Iomraidhean Croise

Marc 11:2

E ede de ede nè: – Awi kêm kɔki ɓee ke tò non si’t non. Loo ke awi i teei kêm ɓee’t nè ɓaa, ke loon’t nè kuwe a ingei ngonn koro ke dingem ke dé dɔ’n nang. E ngonn koro ke ndɔ karé doo in dènn’t lé ɓai. I tutii, i reei se’n adi man.

Marc 11:4

Loo ke njékuwegir-Jésuge ke joo nè ɔti awi ɓaa, ingei ngonn koro nè nga tɔ. Dé dɔ’n nang ka-rebe’t ngɔr se tàbit kei ke nata ɓaa, dé tutu’n.

Marc 14:15

Kuwe-kei nè à tɔje sei kei ke dè made’t dɔ. E kei ke dé gɔl kêm’n maje a, nyange malang ke j’awi ndoo’n tò kêmé a tɔ. E á è loo ke a uwei dè nja nyan ra nan Paque nga tutu tede le jéi.

Nyanra Njekawkulege 1:24

Taɓai dé malang d’ɔje tà se Nube d’ede nè: – Hei! Kuwe-ɓee, i ger ngarankêm dooge malang, ule jii njung dè doo karé ke i kuwe ɔr’n unde’n se ninn’n dann dooge ke joo nè ade jè.

Nyanra Njekawkulege 10:36

Jésu-Krist nga, è Kuwe-ɓee le Juipge se dooge ke rang malang. E è kuwe á ndɔ ke Nube ule’n ra kosdooge ke Israel ade ile mber Tà ke Maje le kêmlom ade de.

Nyanra Njekawkulege 17:25

Nube aw ndoo kade ji dooge tá ra nyan ade’n lé, tede nyan karé géa nal’n lé. Nè è ade dooge bere mbak ndikumgajer a, kebe ke taai a, se gute nyange malang ke awi ndoo’n a tɔ.

2 Nje Ke Corinthe 8:9

Sei geri kêmnoje le Kuwe-ɓee le jéi Jésu-Krist nga mbak. Jésu-Krist nga è baw, nè è tel ra’n ke njèndoo tede tà le si. E ra titeke bè tede kade ndoo le’n tel è nyanbaw le si.