Marc 11:21 - Nouveau Testament en Gulay 2004

²¹ Kêm Pierre olé dè tà ke tagela Jésu tam se kage koté ɓaa, è ede Jésu ede nè: – Kuwe jé, an! kage koté ke tagela ɔr se’n nga wei njanm.

Marc 11:21 Iomraidhean Croise

Matthieu 21:19

E an kage koté karé ngang rebe’t ngɔr. E tɔ aw tutu, è inge kann’n karé bè lé nè mbi’n á tò karè. Jésu tel tam se kage koté nè ede nè: – I a tel kann gugu ndan lé sár se non. Ke loon’t nè kuwe kage koté nè nga wei tutu njanm.

Matthieu 23:7

Dé ndigi le kade dooge rai de lapya ndá-looge’t a, le kade dooge ɓari de njé nyangerge a tɔ.

Matthieu 23:8

Nè sei ɓaa, adi dooge ɓari sei titeke bè lé, tede sei nga njè ndó sei nyan kuwe è karé bere. Gute si malang ɓaa, sei ngakon nange.

Matthieu 25:41

Ngar à kede njè ke ndai dè jigeln’t k’ede nè: «Sei njénonkilge, ɔti tam’t ke rang awi dann por ke à wei ndan lé ke d’uwe dè nja d’ɔje’n dè sú se ngann njékulege le’n.

Jean 4:31

Loo ke nja de nain rebe ɓai-ɓaa, njékuwe-gir-Jésuge awi se’n kabr-kabr edi nè: – Ngar, use nyan ndêin ɓita.

1 Nje Ke Corinthe 16:22

Ke nè á doo karé ndige Kuwe-ɓee Jésu lé ɓaa, maje kade Nube ɔr’n kɔke dann kosdooge’t le’n. Marana tha, Kuwe-ɓee le jé ree!