Marc 11:18 - Nouveau Testament en Gulay 2004

¹⁸ Maw njékuje nyan-mesege se njékɔrgir gute-nduge ooi sertà nè. Ei sangi ké se rebe ke ra n’a tɔli Jésu wa? Nè dé ɓel’n tede doobulege malang nga, ndil de tee an-in soin-soin dè nyan ke è ndó de se ndɔge-ndɔge.

Marc 11:18 Iomraidhean Croise

Matthieu 21:15

Nè njékuje nyan-mesege se njéndang magtubge an-in nyange ke dum kum ke Jésu ra a, an-in ngannge ke rai nyan beng-beng kêm kei’t le Nube edi nè: – Ngonnkà David nga, maje kade dè’n mong kang-kang. Loo ke njékuje nyan-mesege se njékɔrgir gute-nduge ooi tà nè nga bè ɓaa, wong ra de ade tami se’n edi nè:

Matthieu 7:28

Loo ke Jésu ndó dooge tà nè nga gir gang ɓá ɓaa, tà ige kosdoo-bulege sêl dè nyan ke è ndó de’t.

Marc 1:22

Tà ige de sêl dè gos nyan-ndó’t le’n. E ndó de nyan se tɔgmong ke Nube ade’n m ndó de nyan tite le njékɔrgir gute-nduge karè lé.

Marc 11:32

Ke nè á j’à j’ilei n’ee dè’t kedi nè: Gir’n in ra dooge’t ɓaa, kosdoo-bulege à in-in se jéi se tà ke le de tɔ. Dé ɓel kosdoo-bulege tede dooge malang an-in Jean ke ngarankum njèribe-dè-tà ke tà Nube’t.

Marc 12:12

Njékɔr non Juipge geri titeke Jésu tam gostà nè ɔje’n dè de. Ei sangi le kade d’uwe’n, nè ɓeli kum doobulege ɓaa, ei inyei nin ɔti awi.

Marc 3:6

Ke loon’t nè kuwe, Pharisienge undei loo teei kêm kei kebe nan’t teei awi ɔri nan tà se pajage le ngar Hérode Antipas dè rebe ke ayé tɔli Jésu.

Marc 6:20

Hérode Antipas ile koje dè Jean’t ngain. E ger’n ke doo ke njè ra nyan se dè naje’n a, se doo ke tò se ninn’n a tɔ. E an dè Jean sêw-sêw, nè loo ke è oo tà le’n ɓaa, tàgir le’n aw yo-yo, nè-nè. Nè né è bè géa, Hérode Antipas ur mbi’n oo’n tà le Jean se ranel.

Tà ke Maje ke Luc ndang 19:47

Jésu ndó dooge nyan kêm kei le Nube se ndɔ karé-karé malang. Maw njékuje nyan-mesege se njékɔrgir gute-nduge a, se dooge ke kum de unju sangi le kade dé tɔl’n.

Tà ke Maje ke Luc ndang 2:47

Dooge malang ke ooi tà ke Jésu tam nga, tà ige de sêl dè gos nyanger’t le’n se dè tà ke è ile de dè’t se kumkunju’n a tɔ.

Tà ke Maje ke Luc ndang 20:19

Njékɔrgir gute-nduge se maw njékuje nyan-mesege sangi rebe le kade d’uwe Jésu ke loon’t nè, nè ei ɓeli kum dooge. Ei geri se kêm de mbak titeke tà ke è tam nè nga ɔje dè de n’ei kuwe.

Tà ke Maje ke Luc ndang 4:22

Dooge malang d’ɔr go tà le Jésu maje. Tà ige de sêl dè tà kêmnoje le Nube ke tee tann’t ade d’oo. Dé tam tà d’ede nè: – Ké n’ee nga, n’ee ngonn le Joseph karè lé wa?

Jean 7:1

Go’t gugu Jésu aw se loo-loo kêm ɓeekon ke Galilée. E ndige le tel kaw kêm ɓeekon ke Judée lé tede Juipge sangi rebe le kade dé tɔl’n.

Jean 7:19

Ké è Moise kuwe á ade sei magtub gute-ndu Nube nga lé wa? Nè doo karé dann si’t ra nyan ke gute-ndu ɔje nga se ndɔge-ndɔge lé. A ɓaa, ké bain á sei sangi le kade dé tɔl’m wa?

Jean 7:46

Njérɔge ilei de dè’t edi nè: – Doo karé ke tam tà tite doo nè nga, j’inge’n nja karé ndan lé ɓai.

Nyanra Njekawkulege 24:25

Paul unn gir tam tà ede nè: – Nube ndige kade dooge rai nyan se dè naje’n a, kade undei kumkunju dè ra de’t a tɔ, ɔji dè tà ke Nube à gang dè de’t ndɔ ke rang. Ɓel unde Félix ndàt gang’n ade tel ede Paul ede nè: – Ɔte aw ɗarinè ɓanm. Ndɔ ke m’inge kurloo ndêin ɓaa, m’a m’tel ɓari gugu rang ɓai.