Marc 11:14 - Nouveau Testament en Gulay 2004

¹⁴ Jésu tam se kage ede nè: – Doo karé bè géa à kuse kanni gugu ndan lé. Njékuwe-gir-Jésuge ooi tà ke è tam nè nga se mbi de.

Marc 11:14 Iomraidhean Croise

Matthieu 21:19

E an kage koté karé ngang rebe’t ngɔr. E tɔ aw tutu, è inge kann’n karé bè lé nè mbi’n á tò karè. Jésu tel tam se kage koté nè ede nè: – I a tel kann gugu ndan lé sár se non. Ke loon’t nè kuwe kage koté nè nga wei tutu njanm.

Matthieu 21:33

Jésu ede dooge ede nè: – Uri mbi si ooi sertà karé ke rang ɓai. Doo karé bè è kuwe-kei. E uwe loo ndɔr nduu. E ɔr gali gan’n dè a, è nder bolè le kade dé mboré’n mann nduu tutu a, è ra kei ndi ngonm ndɔr tutu a tɔ. E ɓar dooge um kule’n ji de’t ɓaa, è ɔte ɗák aw mba’t.

Matthieu 21:44

Doo ke oso dè kuberi her’t nè nga, à gudu ɗêk-ɗêk a, doo ke kuberi her nè oso dènn’t ɓaa, à ide’n nduju reend-reend a tɔ.]

Matthieu 3:10

Kunge ke janm tò ngire kagege’t ɓá. Kage ke rara ke ann majelé ɓaa, d’a tuge’n gang’n kile’n poro.

Matthieu 7:19

Kage ke rara ke ann majelé ɓaa, dé tuge’n dé gang’n d’ile’n poro.

Marc 11:13

Loo ke è unn kum’n ɓaa, è an dè kage koté ite lurr. E tɔ aw giré kade bainléa n’inge kann’n dè’t n’use. Nè loo ke è ree ngɔr ɓaa, è an mbi’n karè tede nan kann le kage koté nain ɓai.

Marc 11:15

Jésu se njékuwe-girnge teei kêm ɓee-bò ke Jérusalem. Jésu aw kêm kei’t le Nube. E unn gir rɔ njékige nyange se njéndogo nyange nata. E koto tablege le njémbel narge se nyan-ndige le njékige derge tile piring-piring kɔke.

Jean 15:6

Ke nè á doo nanm kàde’m lé ɓaa, d’a d’ile’n nata kɔke tite balkum nduuge bè kade tutu. Balkum kage nduuge ke tutu nga, d’a d’ɔi de korè dè nan’t le ró de rák-rák.

2 Pierre 2:20

Dooge ke kété ɔri ra de dann nyange ke mine ke dè nang nè takul ger ke geri Jésu-Krist Kuwe-ɓee njè kaje jèi njai nga. Dooge nè nga, ke nè á teli ulei ra de dann nyange ke mine’t adi on-in ɓee dè de’t ɓai ɓaa, ndɔn’t à majelé dè de’t ngain dum ke kété.

Lookilera’n 22:11

Doo ke è njè ra nyan ke se dè naje’n lé ɓaa, maje kade aw kum’n ke kété dè nyanra ke nal najenn’t le’n nga ɓaa, ndɔn’t à an ɓai. Doo ke ndi se ra’n ke mine ɓaa, maje kade aw kum’n ke kété dè nyan ke mine’t le’n nga ɓaa, ndɔn’t à an ɓai. Doo ke è njè ra nyan ke se naje’n nga, maje kade aw kum’n ke kété dè nyanra ke se dè najenn’t le’n nga. Doo ke ndi tede le Nube nga, maje kade aw kum’n ke kété dè ndi tede le Nube’t le’n nga a tɔ.»