Marc 10:51 - Nouveau Testament en Gulay 2004

⁵¹ Jésu deje njèkumtɔ ede nè: – Ké ri á aw ndoo kade m’ra m’adi wa? Njèkumtɔ tel ede Jésu ede nè: – Ngar le’m, m’ndige kade kum’m tel an loo.

Marc 10:51 Iomraidhean Croise

Matthieu 23:7

Dé ndigi le kade dooge rai de lapya ndá-looge’t a, le kade dooge ɓari de njé nyangerge a tɔ.

Matthieu 23:8

Nè sei ɓaa, adi dooge ɓari sei titeke bè lé, tede sei nga njè ndó sei nyan kuwe è karé bere. Gute si malang ɓaa, sei ngakon nange.

Matthieu 6:8

I teli i taai nan se de lé tede loo ke tà nain kêm si’t ɓai kuwe géa, Bɔ si ger nyan ke sei awi ndoo’n kété ɓita i deji nin nyan nè ɓai.

Matthieu 7:7

I kɔi Nube nyan ke awi ndoo’n ɓaa à ade sei a, i sangi nyan ke awi ndoo’n ɓaa a ingei. Undei tàbit kei ɓaa, d’a d’ɔr kade sei ɓai a tɔ.

Marc 10:36

Jésu deje de ede nè: – Ké ri á sei awi ndoo’n le kade m’ra made sei wa?

Marc 10:50

Njèkumtɔ ile kubu le’n ke bòi yul piring kɔke, ɔse nang karkat in ree ra Jésu’t.

Jean 20:16

Jésu ɓar Marie ede nè: – Marie! Marie tel tur ra’n warar ke ra Jésu’t ɓar’n se tà hébreu ede nè: – Rabbuni! tel se tà koje jè ɓaa, è «Kuwe’m!»

Nyanra Njekawkulege 23:19

Njèkan dè njérɔge ke aru dɔg nga uwe ji ngonn ke basa nè ɔr’n njɔl aw se’n nata, è deje’n ede nè: – Ké tà ri á ayé kede’m wa?

Nje Ke Philippes 4:6

Adi kem̂ si tò kekek dè nyan karé’t lé, nè se ndɔge malang ɔji tà se Nube a, i deji nin nyange ke awi ndoo’n tɔ. I rai nin oiyo dè nyange malang ke i deji nin nga.