Marc 10:41 - Nouveau Testament en Gulay 2004

⁴¹ Go’t gugu, loo ke njékuwe-gir-Jésuge ke rang ke dɔg ooi tà ke Jacques se Jean deji bè ɓaa, ei unni gir rai wong se de.

Marc 10:41 Iomraidhean Croise

Matthieu 20:24

Loo ke gute njékuwe-gir-Jésuge ke dɔg ooi tà nè nga bè ɓaa, kêm de on de dè ngakon nange ke joo nga.

Marc 10:42

Jésu tel ɓar de malang rann’t ede de ede nè: – Sei geri mbak, njé ke d’an de ke ngarge le dooge ke dè nang nè nga, ɔji nyange gai-gai dè dooge’t. Njékonɓeege ke bòi on-in dooge njanm-njanm a tɔ.

Tà ke Maje ke Luc ndang 22:24

Tà naje ke ɔje dè doo ke d’a d’an’n ke doo ke bò dum dè njékuwe-gir-Jésuge oso tip dann de ei’t kuwe.

Tà ke Maje ke Luc ndang 22:25

Jésu ede de ede nè: – Girkoje dooge gai-gai ke dè nang nè, ngar-ɓeege le de on-in de njanm-njanm a, njékan dè dege adi dé ɓar de njéra majege a tɔ.

Nje Ke Rome 12:10

I tári nan tite ngakon nange bè se kêmnda káng. Ilei riɓar dè njé ke rang’t adi dum dè riɓar le si sei.

Nje Ke Philippes 2:3

I rai nyan karé bè géa se go jang éké tede riɓar ke raikarè nga lé. Nè an-in njé ke rang ke dooge ke bòi dumi sei se go kule dè kade nan le si.

Jacques 4:5

Tà ke dé ndang kem̂ Magtub’t d’ede nè: «Kebe ke Nube ade urkei kem̂ jéi’t nga, ngur konɓee dènn’t ra Nube pênn-pênn. Ké sei giri titeke Magtub tam tà nè nga kenon-non karè wa?