Marc 10:34 - Nouveau Testament en Gulay 2004

³⁴ Dooge ke dɔ à tulei mbe dèm’t a, à tibi yoro kum’t a, à tundei man se ndêin a, à tɔli man a tɔ. Nè ndɔ ke njèkon’t mute ɓaa, m’a m’unde loo tee dann njé ke koo’t.

Marc 10:34 Iomraidhean Croise

Matthieu 16:21

Unn gir kêm ndɔn’t nè nga, Jésu-Krist ede njékuwe-girnge ede nè: – Gar-gar m’a m’aw ke kêm ɓee-bò ke Jérusalem. Ngatɔgege se maw njékuje nyan-mesege a, se njéndang magtubge a tɔ, à rai se’m nyantosowur. D’ade tɔl’m nè ndɔ ke njékon’t mute ɓaa, m’a m’unde loo tee dann njé ke koo’t.

Matthieu 26:67

Ke loon’t nè kuwe d’unn gir tibe yoro kumn’t a, dé tunde mbɔr’n njanm-njanm a, njé ke nange ɓiri ji de tɔsi nin tɔlɔk-tɔlɔk a tɔ edi nè:

Matthieu 27:63

– Ngar ke maje, kêm jé olé dè tà’t le njè libe kum dooge nè. Kété ke ndii’n se dè’n dɔ ɓai nga, è tam ede nè: «Ndɔ ke njékon’t mute ɓaa, m’a m’unde loo tee dann njé ke koo’t.»

Marc 14:63

Loo ke maw njèkuje nyan-mese oo tà nè nga bè ɓaa, tuwe kubuge le’n ke rann’t til parang-parang ede nè: – Ké j’awi ndoo tà le doo ke rang tá le kile’n tà dèyé’t ɓai wa?

Marc 14:65

Njé ke nange unni gir tibi yoro kum Jésu’t a, labi ji de kumn’t a, ɓiri ji de tundei nin a, taɓai ei deji nin edi nè: – Ede jè ri doo ke njè kundei. Njé ngonm tà looge géa tundei mbi Jésu njanm-njanm a tɔ.

Marc 9:31

Tede è ndi à ndó nyan njékuwe-girnge ede nè: – Man ke m’ee Ngonn doo nga, d’a d’uwe’m kule’m ji tɔgmong’t le dooge a, d’ade tɔl’m a tɔ. Ndɔ ke njèkon’t mute go kwei’t le’m ɓaa, m’a m’unde loo tee dann njé ke koo’t.

Tà ke Maje ke Luc ndang 23:11

Hérode se kos njérɔge le’n t’ulei mbe dè Jésu’t a, ilei rasɔl dènn’t a tɔ. Taɓai Hérode ade d’ule kubu ke ndolé kein-kein rann’t ɓaa tel ule se’n gugu ade’n Pilate.

Jean 1:17

Nube ade jéi gute-ndu se rebe ke ra Moise’t, nè kêm-maje se ngarankum tà reei takul Jésu-Krist.

Jean 2:10

– Nanan géa ade dooge yibe nduu ke maje an-in kété. Loo ke dooge enni pa ɓita è ade de yibe nduu ke majelé ade an-in dè’t ɓai. Nè i ɓaa, i ngonm yibe nduu ke maje sár ɗarinè.

1 Nje Ke Corinthe 15:4

Krist nga dé dubu’n. Ndɔ ke njèkon’t mute, Nube ade unde loo tee dann njé ke koo’t titeke ndɔ ke Magtubge ke tooi se ninn de tami kété nga.