Marc 10:33 - Nouveau Testament en Gulay 2004

³³ Jésu ede njékuwe-girnge ede nè: – An-in! j’à j’awi ke kêm ɓee-bò ke Jérusalem. Man ke m’ee Ngonn doo nga, d’a d’ulem ji maw njékuje-nyan-mesege’t se ji njékɔrgirgute-nduge’t. Dé nè nga, d’ade gang tà yo dèm’t a, d’ade d’ule’m ji dooge ke dɔ ke geri Nube lé.

Marc 10:33 Iomraidhean Croise

Matthieu 16:21

Unn gir kêm ndɔn’t nè nga, Jésu-Krist ede njékuwe-girnge ede nè: – Gar-gar m’a m’aw ke kêm ɓee-bò ke Jérusalem. Ngatɔgege se maw njékuje nyan-mesege a, se njéndang magtubge a tɔ, à rai se’m nyantosowur. D’ade tɔl’m nè ndɔ ke njékon’t mute ɓaa, m’a m’unde loo tee dann njé ke koo’t.

Matthieu 26:66

Ké tà ri sei giri wa? Njékɔrgir gute-nduge se ngatɔgege ilei maw njèkuje nyan-mese dè’t edi nè: – Doo nè nga tà yo uwe dè’n kerɔte kuwe.

Matthieu 27:2

Loo ke adi d’uwe’n dé tɔ’n ɓá ɓaa, adi d’aw se’n d’ule’n ji Pilate njèkonɓee’t.

Marc 14:64

Sei ooi tàge ke majelé ke n’tam se Nube nga se mbi si ɓá. A ɓaa, ké tà ri á sei giri dè’t wa? Dooge malang gangi tà dè Jésu’t edi nè: – N’ee doo ke le tɔlé kuwe gar-gar.

Marc 15:1

Se ndɔgé ɓat loo ke kàde tee lé ɓai, maw njékuje nyan-mesege se ngatɔgege le Israelge se njékɔrgir gute-nduge, se gute njégangtàge ke rang malang ɔri nan tà dè nyan ke kum ra. Ei adi d’uwe Jésu dé tɔ’n d’aw se’n d’ule’n ji ngar Pilate’t.

Marc 8:31

Unn gir kêm ndɔn’t nè nga, Jésu ede njékuwe-girnge ede nè: – Man ke m’ee Ngonn doo nga, nyankêmkonge ngain à rai man. Ngatɔgege le Israel se njékɔrgir gute-nduge se maw njékuje nyan-mesege à utei man mbeng a, à tɔli man a tɔ. Ndɔ ke njèkon’t mute ɓaa, m’a m’unde loo tee dann njé ke koo’t.

Marc 9:12

Jésu ede de ede nè: – Elie à tel ree le gɔl nyange malang kade teli tooi loon’t titeke kété pa ɓita. A ɓaa, ké bain á dé ndang tà kêm Magtubge’t d’ɔje’n dè’m man Ngonn doo d’ede nè: Gar-gar nyankêmkonge ngain à ra’m a, d’a d’an’m ke nyan lé a tɔ wa?

Marc 9:31

Tede è ndi à ndó nyan njékuwe-girnge ede nè: – Man ke m’ee Ngonn doo nga, d’a d’uwe’m kule’m ji tɔgmong’t le dooge a, d’ade tɔl’m a tɔ. Ndɔ ke njèkon’t mute go kwei’t le’m ɓaa, m’a m’unde loo tee dann njé ke koo’t.

Tà ke Maje ke Luc ndang 23:21

Nè dé tel dé ra nyan wuu d’ede nè: – I ɓeré kàde kage-ke-dese’t ke ɓer kuwe bè.

Tà ke Maje ke Luc ndang 9:22

Taɓai è ede de ede nè: – Man ke m’ee Ngonn doo nga, gar-gar m’a m’inge nyantosowur. Ngatɔgege le juipge se maw njékuje nyan-mesege a, se njékɔrgir gute-nduge à adi d’ade ɓer’m kàde kage-ke-dese’t. Nè ndɔ ke njèkon’t mute ɓaa, m’a m’unde loo tee dann njé ke koo’t.

Jean 18:28

Njékɔr non Juipge in-in se Jésu ra Caiphe’t se ndɔgé ɓat awi se’n kêm kei le Pilate njèkonɓee. Juipge ke awi se’n nga, ilei nja de kêm kei lé. Ei ndigi le kade ra de mine lé tede le kuse’n nyan nan Paque.

Jean 18:32

Tà ke Jésu tam ɔje dè ɓer ke d’ayé ɓer’n kade kage-ke-dese’t nga aw loon’t deĵ.

Jean 19:11

Jésu tel ilé dè’t ede nè: – Ke nè á ndɔ ke Nube adi tɔgmong lé ɓaa, ayé ra se’m nyan karé bè lé. Gir’n ke nè á, è ke njè kade d’uwe’m d’ule’m jii’t nga, tà uwe dè’n dum lei ɓai.

Nyanra Njekawkulege 13:27

Tede dooge ke ndii kêm ɓee-bò ke Jérusalem se njékɔr non dege giri titeke Jésu è njèkaje dooge lé. Magtubge le njéribe-dè-tàge ke tà Nube’t ke dé tute se ndɔ taa kebege karé-karé malang nga géa, dé ger gir lé a tɔ. Dé gangtà dè Jésu’t d’ade tàge ke tooi kêm magtubge’t le njéribe-dè-tàge ke tà Nube’t aw loon’t deĵ.

Nyanra Njekawkulege 20:22

An-in! m’ee dangai le Ndil-Kêmnda. Gar-gar m’a m’aw loo ke è ndige kɔr non’m kaw se’m tutu. Gir’n ke nè á ɗarinè m’ndi m’aw’n ke Jérusalem nal ger nyan ke à tee dèm’t tutu.

Jacques 5:6

Sei ilei tà dè njé ra nyan se dè najennge, i tɔli de se ndáng karè anje kade ilei rɔ adi sei.