Marc 10:24 - Nouveau Testament en Gulay 2004

²⁴ Ndil de tee an-in soin-soin dè tà ke è tam’t nè nga. Nè Jésu tel ede de ede nè: – Basage, njé ke umi kêm de dè nyanbawge ke dè nang nè nga, kaw kêm Konɓee’t le Nube à tur se de ngain.

Marc 10:24 Iomraidhean Croise

Matthieu 19:25

Loo ke njékuwe-gir-Jésuge ooi tà nè bè ɓaa, tà ige de sêl-sêl ade tami edi nè: – Ke nè á è bè ɓaa, ké nan d’asekum kaje’n ta wa?

Marc 1:27

Ndil dooge malang tee an-in soin-soin ade deji nan tà edi nè: – Ké nyan nè nga è ri wa? E nyan-ndó ke gai se tɔgmong ke in ra Nube’t. Ndilge ke majelé géa Jésu on de njanm-njanm ade ulei dè de adii.

Marc 10:23

Jésu an njékuwe-girnge ɗêrêr-ɗêrêr ɓaa, è ede de ede nè: – Njé ke awi se nyanbaw ngain dè nang nè nga, kaw kêm Konɓee’t le Nube à tur se de ngain.

Tà ke Maje ke Luc ndang 16:14

Loo ke Jésu tam tàge nè nga titeke bè ɓaa, Pharisienge ke njé kunde nar dann kum de’t an-in tà le’n ke nyan lé.

Jean 13:33

Jésu ede njékuwe-girnge ede nè: – Ngannemge, m’a m’nain se si dè nang nè mbɔr ɓai. Ndɔn’t a i sangi man par-par. Ndɔ ke m’ede Juipge kété m’ede nè: Loo ke m’ndi m’aw ke tutu nga, sei asi kawi tutu lé. Sei géa, ɗarinè m’ede sei tà nè nga titeke bè tɔ.

Jean 21:5

Jésu deje de ede nè: – Mademge, ké awi se nyankuse ke rang ji si’t lé wa? Dé tel d’ile’n dè’t d’ede nè: – Ḿ-m̀, nyankuse ke rang goto ji jé’t.

Jean 6:60

Loo ke d’oo tàge le Jésu nè nga bè ɓaa, njékuwe-girnge bule tami edi nè: – Tà nè nga ngang ngain. Ké nan asekum ndi kur mbi’n koo’n ɓai-ɓai wa?

Nje Ke Galatie 4:19

Ngannemge, koje ke m’oje sei nga, ndo le si ule’m ndibe asenan se dinye ke à oje ngonn bè. Ndo le si nè nga à ule’m ndibe titeke bè sár kade i teli i taai nan se Krist tcha-tcha.

1 Timothee 6:17

I ndeje bawge ke ndii dè nang nè ɗarinè le kade tii ra de lé a, le kade undei kem̂ de tchên dè nyanbaw ke à tò mbɔr lé nga lé a tɔ. I ndeje de le kade undei kem̂ de tchên ke dè Nube’t. Nube á è njè kade jèi nyange malang kade tooi ra jéi’t ndàj-ndàj tede kade jè ndii dann ranel’t.

1 Jean 2:1

Ngannemge, m’ndang tà nyange nè m’ade sei tede kade i rai majelé kum si ke kété lé. Ke nè á doo karé ra majelé ɓaa, njè ra rebe tà le jéi ndi ra Bɔ jéi’t non ɓá ta. Njè ra rebe tà le jéi è Jésu-Krist ke Njè ra nyan se dè naje’n.

1 Jean 4:4

Ngannemge, sei têti rɔ njétête tà kunde tà Nube’t tede k’ee ke sei lennge a, tede Ndil le’n ke ndi kem̂ si’t a tɔ. Ndil Nube ke ndi kem̂ si’t nga á tɔg’n dum dè le njè kem̂ majelé ke ndi kem̂ dooge ke dè nang nè.

1 Jean 5:21

Ngannemge, an-in go ra si maje ɔje dè mage polége!

Lookilera’n 3:17

I tam ede nè: Man m’ee baw, nyankingege taai ra’m pel-pel, ndoo nyan karé bè géa ra’m ndan lé. Nè i ke njè nonkil, i dangte ke kumi tò ndoo, i ndoo ngain, i njèkumtɔ ke aw mburi suturu karè. Ké i ger bè lé wa?