Marc 10:2 - Nouveau Testament en Gulay 2004

² Pharisienge ke nange reei ra Jésu’t deji nin edi nè: – Ké gute-ndu inye loo ade dingem kade mbate neen’n wa? Dé deje’n titeke bè le koo’n tà ke se go rebe’n lé ke à tee tànn’t.

Marc 10:2 Iomraidhean Croise

Matthieu 15:12

Njékuwe-gir-Jésuge reei rann’t edi nin edi nè: – Tà ke i tam á Pharisienge ooi nga tuge de jig’t, nè ké i ger bè lé wa?

Matthieu 16:1

Pharisienge se Saddusienge reei ra Jésu’t nain kêm’n. Ei deji nin le kade ra nyankɔbe ke gai ke in danrán ade n’an-in tá n’a n’geri titeke è Nube kuwe á ule’n.

Matthieu 19:3

Pharisienge reei ra Jésu’t le ndon tà’n se tà. Ei deji nin edi nè: – Ké dingem asekum mbate neen’n tede tà le nyan ke rara géa wa?

Matthieu 22:35

E ke karé dann de’t è njèndó dooge gute-ndu Nube deje Jésu tà karé le kuye’n gum nonn’t ede nè:

Matthieu 23:13

Sei njékɔrgir gute-nduge se sei Pharisienge ke njékede gosge, a an-in ɓai! Tede sei ilei dooge kage ɔgi de loo kile nja de kêm Konɓee ke danrán’t. Njé ke ndigi kilei nja de tutu nga, sei ɔgi de rebe’n. Bè ɓaa, sei géa a ilei nja si tutu ndan lé tɔ. [

Matthieu 9:34

Pharisienge tami edi nè: – E takul ngar le ndilge ke majelé á è rɔ’n ndilge ke majelé nè nga kɔke.

Marc 10:1

Jésu in kêm ɓee ke Capernaum aw kêm ɓeekon ke Judée gide ba ke ri’n Jourdain. Doobulege ngain teli kebi nan rann’t. E unn gir ndó de nyan titeke ra’n kété-kété.

Marc 10:3

Nè Jésu deje de ede nè: – Ké ri á Moise unn ndu’n le kade i rai wa?

Marc 8:11

Pharisienge reei ra Jésu’t, ei unni gir naji se’n tà. Ei deji nin le kade ra nyankɔbe tɔje’n de titeke tɔgmong le’n nga in danran ra Nube’t kuwe. Dé ra titeke bè le nan’n kêm’n.

Marc 8:15

Jésu ndeje njékuwe-girnge ndej-ndej ede nè: – Undei kumkunju dè ra si’t le gang kɔte pululu’t le Pharisienge éké le Hérode Antipas nga lé.

Tà ke Maje ke Luc ndang 11:39

Nè Kuwe-ɓee ede doo nè nga ede nè: – Sei Pharisienge, sei i togoi gide nyankain mannge se nyankuse nyange adi unju nyang-nyang nè ngur banm dooge táa nyan le de ji de’t a, se kêmyêr rusu kêm si njin-njin.

Tà ke Maje ke Luc ndang 16:14

Loo ke Jésu tam tàge nè nga titeke bè ɓaa, Pharisienge ke njé kunde nar dann kum de’t an-in tà le’n ke nyan lé.

Tà ke Maje ke Luc ndang 5:30

Pharisienge se njékɔrgir gute-nduge le de murin tà a, deji njékuwe-gir-Jésuge edi nè: – Ké bain usei se an-in nyan nan’t se njétaa tirge a, se dooge ke njé ra majelége a tɔ wa?

Tà ke Maje ke Luc ndang 6:7

Njékɔrgir gute-nduge se Pharisienge undei kum de lêr-lêr le kan-in ké Jésu ayé kɔr ratur ra dingem’t nè nga se ndɔ taa kebe wa? Dé ra titeke bè le kile’n tà dènn’t kede nè è al tà tà gute-ndu’t le de.

Tà ke Maje ke Luc ndang 7:30

Nè Pharisienge se njéndó dooge gute-ndu Nube d’ute nyan ke Nube ndige kade dé ra nga mbeng mbati kade Jean ule de manné njonm.

Jean 11:47

Maw njékuje nyan-mesege se Pharisienge ɔsi nja njégangtàge nan’t deji de edi nè: – Ké ri á j’à rai ta wa? Doo nyan le doo ke dé ɓar’n Jésu nè nga ra nyankɔbege ngain.

Jean 11:57

Maw njékuje nyan-mesege se Pharisienge unni ndu de edi nè: – Ke nè á doo karé ger loo ke n’ee Jésu nga n’ee tutu ɓaa, maje kade tɔje jè looyé le kade j’ade d’aw d’uwé.

Jean 7:32

Tàge ke doobulege kɔti nan ɔje dè Jésu nga oso mbi Pharisienge’t. Maw njékuje nyan-mesege se Pharisienge ulei njérɔge le kade uwei nin.

Jean 7:48

Dann ngar ɓeege’t le jéi éké dann jé jèi Pharisienge’t nga, ké doo karé ke luk-luk unde kêm’n dè doo nyan le doo’t nè nga adi an-in wa?

Jean 8:6

Dé tam tàge nè nga titeke bè d’an-in’n kêm Jésu tede kile’n tà dènn’t. Nè è ule dè’n nang, tuje nyan nang se ngonn ji’n.

1 Nje Ke Corinthe 10:9

Ade jè nan-in kilekêm le Kuwe-ɓee titeke ndɔ ke njé ke nange dann de’t nan-in nin nga lé. Njé ke ndɔ ke nan-in kilekêm le Kuwe-ɓee nga, lige ton-in de tɔli de kɔke.