Marc 10:17 - Nouveau Testament en Gulay 2004

¹⁷ Loo ke Jésu in oso rebe le kaw ɓaa, dingem karé bè an-in ngɔde ree ɔse keje’n nang nonn’t. E deje’n ede nè: – Ngar, i i doo ke maje, ké m’a ra ri á le kinge’n ndikumgajer se non nga wa?

Marc 10:17 Iomraidhean Croise

Matthieu 17:14

Loo ke Jésu se njékuwe-girnge reei teei ra doobulege’t ngɔr ɓaa, dingem karé aw ra Jésu’t ɔse keje’n nang nonn’t ede’n ede nè:

Matthieu 25:34

Ngar à ede njé ke ndai dè jikonn’t kede nè: «Sei njénonkarge ke ingei ndutɔr le Bɔ’m nga, i reei on-in ɓee ke d’uwe dè nja d’ɔje’n dè si kété mari loo kunde gir nang’t.

Matthieu 28:8

Ke loon’t nè kuwe ɓel ra dinyege nè ngain ade ɔsi nang in-in dè ɓada se ngɔde awi. Nè ra de nel de ngain. Ei awi se tàge nè edi njékuwe-gir-Jésuge.

Marc 1:40

Dingem karé ree ra Jésu’t. E ɔse keje’n nang nonn’t, ndête’n ɓɔk-ɓɔk ede nè: – Kɔkrɔ karè, ke nè á i ndige se’m le kade banje ɔr ram’t ndát-ndát ɓaa, ram à tel tò karè ndát-ndát kuwe tɔ.

Marc 10:18

Jésu deje dingem nè nga ede nè: – Ké bain á i ɓar’m doo ke maje ɔr njêt wa? Doo karé ke maje ɔr njêt goto ndát-ndát. Nè Nube kuwe karé bere á è njè maje kɔr njêt.

Marc 12:14

Ei reei rann’t edi nin edi nè: – Ngar, jè ger titeke i njè tam ngarankum tà kuwe. I njè ndête kum doo lé a, i njèkɔr kum doo lé a tɔ. I ndó dooge ngarankum nyan ke Nube ɔje a tɔ. Kuge tir le ngar ke bò César nga, è loon’t lé wa? Gar-gar, j’à j’ugei éké j’à j’ugei lé wa? Ede jè.

Marc 9:25

Jésu an kosdoo-bulege têti nan yip à reei ke ra de’t. E unn gir ndáng ndil ke majelé nè nga ede nè: – I ndil ke majelé ke njé kɔge ngonn nè tam tà se koo tà nga, man m’unn ndu’m m’adi, unde loo i tee kêmn’t aw se noin.

Tà ke Maje ke Luc ndang 10:25

Njèkɔrgir gute-ndu Nube karé bè ɔse nang in dɔ, unn tà deje Jésu an-in’n kêm’n ede nè: – Njèndó dooge nyan, ké ri á m’a ra ɗarinè le kinge’n ndikumgajer ke à tò se non nga wa?

Jean 3:2

Dingem nè nga ree inge Jésu ndɔɔ ede’n ede nè: – Ngar, jè ger titeke Nube ulei kade i ndó jè nyan. Tede ke nè á Nube è der gir doo lé ɓaa, è asekum ra nyankɔbege titeke i ra’n nga lé.

Jean 5:39

Sei teri kêm Magtub ke tò se ninn’n tede sei geri kêm si’t titeke takul de á a ingeii ndikumgajer se non. Nè Magtubge nè nga ei njékɔrgo tàge ke ɔje dè’m.

Jean 6:40

Nyan ke kêm Bɔ’m ndige á tò nè: Nanan ke oré kum’n dè’m man Ngonnnen’t a, unde kêm’n dèm’t a tɔ ɓaa, è à ndi kumgajer se non. Taɓai man m’ade à unde loo tee dann njé ke koo’t ndɔ ke ngeinn’t a tɔ.

Nyanra Njekawkulege 16:30

E tee se de nata ɓaa, è deje de ede nè: – Ngarge le’m, ké ri á m’a m’ra gar-gar le kinge’n kaje wa?

Nyanra Njekawkulege 2:37

Loo ke kosdooge ooi tàge nè bè ɓaa, ɓengre de ayé gang dɔs. Dé deje Pierre se njékawkulege ke rang d’ede nè: – Ngakon jége, ké j’à ra bain ta wa?

Nyanra Njekawkulege 20:32

Ɗarinè, m’um sei ji Nube’t a, m’um sei dann tà kêmnoje’t le’n a tɔ. Tà kêmnoje le Nube nga asekum ra se sei kade ingei nyange malang ke Nube uwe dè nja unde konn tede le njétaakêm-Kristge malang.

Nyanra Njekawkulege 9:6

Ɔse nang in aw kêm ɓee-bò’t ɓaa, d’a d’edi nyan ke i a i ra nga gar-gar.

Nje Ke Rome 2:7

Njé ke sangi le rai nyan ke maje se ndɔ de-ndɔ de tede le kinge’n ndubra le Nube a, riɓar a, se ndikumgajer se non a tɔ nga, Nube à ade à ndii se’n sár se non.

Nje Ke Rome 6:23

Oiyo nyan kuge dè ji le kaiya è yo, nè nyan kuge noje le Nube ɓaa, è ndikumgajer sár se non takul kum ke j’umi nan’t bɔk se kuwe jéi Jésu-Krist.

Nje Ke Ephese 1:18

M’deje Nube le kade ade kum ɓengre si gang tchat. Titeke bè á a i geri nyan kundekem̂ tchên dè’t ke è ɓar sei tede nga. Taɓai sei a geri bò ndubra le’n se bò nyan-ndube ke uwe dè nja unde konn tede le njé ke tooi se ninn de.

Tite 3:7

Jésu-Krist ɔr tà dè jéi’t se go kem̂noje le’n tede kade jè teli jèi njé kinge nyan-ndubege se go kundekem̂ tchên dè ndikumgajer se non nga.

Hebreuge 1:14

Dooge ke danrán malang nga, ké ei nel nyange ke ei ngann njékulege le Nube kuwe lé wa? Ké è Nube á ule de kade dé ra se njé ke à ingei kaje nga lé wa?

1 Pierre 1:4

Jè ndii jè nginei nyan-majege ke Nube uwe dè nja unde konn tede njé ke le’n. E nyan-majege ke à jɔri lé a, à mite lé a, a ndolè lé a tɔ. Nyan-majege nè nga Nube uwe dè nja unde konn tede le si kem̂ Konɓee ke danrán nú.

1 Jean 2:25

Ndikumgajer sár se non nga, è nyan ke Krist unn’n ndu’n ade jèi kété ɓá.