Marc 10:14 - Nouveau Testament en Gulay 2004

¹⁴ Nè loo ke Jésu an nyan ra njékuwe-girnge bè ɓaa, wong ra’n ade ede de ede nè: – Inyei ngannge adi reei ram’t m ɔgi de lé. Kerɔte kuwe, Nube à on ɓee dè dooge ke hal de tò tanan se le de dé ngannge nè nga bè.

Marc 10:14 Iomraidhean Croise

Matthieu 18:10

An-in! tá nè a kin-in nedi ngonn karé bè dann madennge’t nè. Man m’ede sei titeke dooge le de ke danrán ndai tàkum Baa ke ndi danrán ndêrm se ndɔ karé-karé malang tede tà le de.

Matthieu 18:4

Nanan ke ule dè’n tite ngonn ke dap nè ɓaa, è nè á à è doo ke à dum dè madennge kêm Konɓee ke danrán.

Matthieu 19:14

Nè Jésu ede njékuwe-girnge ede nè: – Inyei ngannge adi reei ram’t m ɔgi de lé. Kerɔte kuwe, Konɓee ke danrán è tede le njé ke tooi asinan se ngannge nè nga bè.

Matthieu 5:10

Njé ke dé ra kum de ndoo tede nyanra de ke dè se naje’n nga, ra de à nel de tede è de kuwe á Konɓee ke danran è le de!

Matthieu 5:3

– Njé ke geri kêm de’t titeke ei njéndooge nga, ra de à nel de tede konɓee ke danran è le de!

Marc 3:5

Jésu an de ɗêrêr-ɗêrêr ɓaa, wur’n ndir’n njàk-njàk tede kêm majelé le de. Go’t gugu è ede dingem ke ji’n wei tonrin nè nga ede nè: – I ndaje jii. Dingem nè nga ndaje ji’n ɓaa, tel tò karé titeke kété.

Marc 8:33

Nè Jésu tel tur kum’n ke ra njékuwe-girnge’t ke rang. E ndáng Pierre ede nè: – Sú, ɔte tàm’t ke rang tede nyan ke Nube ndige uwe kêmi lé, nè nyan ke dooge ndigi tá uwe kêmi.

Jean 3:3

Jesu tel ile Nicodème dè’t ede nè: – Kerɔte kuwe, man m’edi ndàt, ke nè á dé tel d’oje doo gugu kige lé ɓaa, è asekum kan Konɓee le Nube se kum’n lé.

Jean 3:5

Jesu tel ile Nicodème dè’t ede nè: – Kerɔte kuwe, man m’edi ndàt: ke nè á d’ule doo manné njonm d’ade Ndil oje’n lé ɓaa, è asekum kule dè’n kêm Konɓee’t le Nube ndan lé.

Nyanra Njekawkulege 2:39

Ndɔ ke Nube unn ndu’n le kule se Ndil-Kêmnda kade ree taa kêm dooge pel-pel. Ndukunn nè nga ɔje dè si sei se ngann sige. Ndukunn nè nga ɔje dè dooge malang ke ɗarinè ndii ebe se Kuwe-ɓee Nube le jéi.

Nyanra Njekawkulege 3:25

Sei nga, sei ngannkà njéribe-dè-tàge ke tà Nube’t. Ndɔ ke Nube unn ndu’n kété mari ade kà jéige loo ke ndɔ ke ede’n Abraham ede nè: «Girkoje dooge malang ke dè nang nè a ingei ndutɔr takul ngannkàige. Sei sei njé kinge nyan-ndube ke ɔje dè kunn-ndu nè nga.

Nje Ke Rome 11:16

Ke nè á d’ugu dè mur ke desêin d’ade Nube ɓaa, gute mur bere mbak è ke tò se ninn’n. Ke nè á ngire kage è le Nube ɓaa, balkumnge ei le’n tɔ.

Nje Ke Rome 11:28

Juipge mbati Tà ke Maje teli ei njébange le Nube. Mbate Tà ke Maje le de nga tel è nonkar le si sei ke sei Juipge lé nga. Nè né è bè géa, dé kotárge le Nube tede ndu’n ke ndɔ ke unn ade kà dege kété mari nga.

1 Nje Ke Corinthe 14:20

Ngakonmge, i teli ngannge ɔje dè gangtà nga lé. I teli ngannge ɔje dè majelé nè maje kade sei dooge ke tɔge káng-káng ɔje dè gangtà.

1 Nje Ke Corinthe 7:14

Dingem ke njètaakêm-Krist lé nga, è doo ke ndi heb ngain se Nube lé ta tede tà le neen’n ke njètaakêm-Krist. Dinye ke njètaakêm-Krist lé nga, è doo ke ndi heb ngain se Nube lé ta tede tà le ngaw’n ke njètaakêm-Krist a tɔ. Ke nè á è bè lé ɓaa à ei dooge ke mine. Nè ɗarinè ɓaa, ngann sige géa ei dooge ke tooi se ninn de.

Nje Ke Ephese 4:26

Ke nè á wong ra sei ɓaa, an-in tá nè a kin-in rai majelé. Maje kade ebi’t ra wong pa ɓita adi kàde ur ɓai.

2 Timothee 1:5

Kem̂’m olé dè ngarankum kundekem̂ dè Nube’t lei. Kundekem̂ nè nga urkei kem̂ kài Lois kété ɓita urkei kem̂ koin Eunice’t ɓai. M’ger mbak titeke kundekem̂ nè nga urkei kem̂i’t ɗarinè tɔ.

2 Timothee 3:15

Magtubge ke tooi se ninn de nga, i ger de se ngonni ndêin bè mari. Magtubge nè asikum kadi nin kumkunju kade inge’n kaje takul kem̂i ke unde dè Jésu-Krist’t.

1 Pierre 2:2

Adi ngur tà le Nube ra sei pênn-pênn titeke ngur kil kum kate mba ra’n ngann kidege bè tɔ. Takul mba á sei a rai tɔge ke kété-kété dè kaje’t.

Lookilera’n 14:5

Tà lanm tee tà de’t ndɔ karé bè lé. Dé njé ra nyan se dè najennge m doo ile tà dè de’t nja karé bè géa lé.