Marc 10:1 - Nouveau Testament en Gulay 2004

¹ Jésu in kêm ɓee ke Capernaum aw kêm ɓeekon ke Judée gide ba ke ri’n Jourdain. Doobulege ngain teli kebi nan rann’t. E unn gir ndó de nyan titeke ra’n kété-kété.

Marc 10:1 Iomraidhean Croise

Matthieu 26:55

Kêm kàdenn’t nè nga, Jésu deje kosdoo-bulege ede nè: – Ké man m’ee ngar le njékɔse tà se njékonɓeege á i reei se kuye kaskarge se ɗugur kagege ji si’t kêl-kêl tá le kuwe’m wa? Ndɔ karé-karé malang m’ndi nang dann si’t m’ndó dooge nyan kêm kei’t le Nube a tɔ. Nè sei uwei man lé.

Matthieu 4:23

Jésu aw se loo-loo kêm ɓeekon ke Galilée bere mbak ndó dooge nyan kêm kei kebe nange’t le de ile mber Tà ke Maje ɔje dè konɓee le Nube a, ɔr ratur ke rara ra njératurge dann kosdooge’t a, se njè ke kêl ra de wei tonrin a tɔ.

Marc 1:21

Jésu se njékuwe-girnge awi kêm ɓee ke Capernaum. Ke loon’t nè kuwe, Jésu aw kêm kei kebe nan’t se ndɔ taa kebe, è unn gir ndó dooge nyan.

Marc 10:2

Pharisienge ke nange reei ra Jésu’t deji nin edi nè: – Ké gute-ndu inye loo ade dingem kade mbate neen’n wa? Dé deje’n titeke bè le koo’n tà ke se go rebe’n lé ke à tee tànn’t.

Marc 12:35

Loo ke Jésu ndi à ndó dooge nyan kêm kei le Nube ɓaa, è deje de ede nè: – Ké è titeke bain á njékɔrgir gute-nduge tami edi nè Krist nga è ngonnkà David karè wa?

Marc 14:49

M’ndi se si dann kada se ndɔge malang m’ndó dooge nyan kêm kei le Nube. Nè sei uwei man lé. Nè nyan nè nga tee titeke bè le kade nyange ke dé ndang tà’n kêm Magtubge’t le Nube nga, awi loon’t deĵ gar-gar.

Marc 2:13

Ndɔ karé bè Jésu tel aw tà ba-bò ke Galilée gugu. Kosdooge malang reei rann’t ade ndó de nyan.

Marc 4:2

E unn sertàge ndó’n de nyan ngain. Loo ke è ndi à ndó de nyange ɓaa, è ede de ede nè:

Marc 6:2

E unn gir ndó dooge nyan kêm kei kebe nan’t se ndɔ taa kebe. Doobulege ke ndii tutu ooi tà lé’n nga, tà ige de sêl ade tami edi nè: – Ké n’inge tàgirge ke titeke bè nga ra wa? Ké gos nyanger nè nga n’in’n ra wa? Ké nan adé tɔgmong á n’ra’n nyankɔbege ke doo an kété ndan lé nè nga wa?

Marc 6:34

Loo ke Jésu rise nang kêm ngonn bato’t ɓaa, an kosdoo-bulege. E an kumndoo le de tede tooi asinan se batege ke njèkul de goto bè. E an kumndoo le de ade unn gir ndó de tàge ngain bè.

Marc 6:6

Tà ige Jésu sêl dè kunn mbi dè tà’t le doobulege. Jésu ɔte aw se ngann ɓeege ke gan-in dè Nazareth gêrêr ndó dooge nyan.

Jean 10:40

Jésu tel aw gugu gide ba ke Jourdain nú ndi tutu. E loo ke ndɔ ke kété Jean unn gir kule dooge manné njonm tutu.

Jean 11:7

Go’t gugu ɓita è ede njékuwe-girnge ede nè: – Adi jè teli j’awi kêm ɓeekon ke Judée gugu.

Jean 18:20

Jésu ile’n dè’t ede nè: – Man m’ede dooge malang ke dè nang nè tà nata mbeng. M’ndó de nyan se ndɔge malang kêm kei kebe nange’t se kêm kei le Nube ke è loo kebe nan le Juipge malang. Nyan ke ndɔ ke m’ndó de nga è se go ngein lé.