Marc 1:44 - Nouveau Testament en Gulay 2004

⁴⁴ Go’t gugu, è ede dingem ke banje ɔr rann’t nga ede nè: – I tam tà nè nga ade doo karé bè géa oo lé nè aw ra njèkuje nyan-mese’t, i tɔje’n rai ade an. Go’t ɓita unn nyan-noje ade se go gute-ndu ke Moise ndang. Titeke bè á i tɔje’n njékuje nyan-mesege titeke banje ɔr rai’t ɓá ta.

Marc 1:44 Iomraidhean Croise

Matthieu 8:4

Go’t gugu Jésu ede njèbanje nè nga ede nè: – An tá nè a kade tà nè tee tài’t ade doo ke rang oo. Nè aw ra njèkuje nyan-mese’t i tɔje’n rai ade an ɓita unn nyan-noje ade se go gute-ndu ke Moise ndang kêm magtub’t le kade dé ger’n titeke banje ɔr rai’t ndát-ndát.

Marc 1:43

Jésu ede’n tàge ke rang ngain ɓita inye’n ade aw ɓai.

Tà ke Maje ke Luc ndang 17:14

Loo ke Jésu tête kum’n an de ɓaa, è ede de ede nè: – Awi ra njékuje nyan-mesege i tɔji de ra si ade d’an. Loo ke njébanjege à awi ɓai ɓaa, ra de tel tò karè ndát-ndát.

Tà ke Maje ke Luc ndang 5:14

Go’t gugu, Jésu unn ndu’n ade dingem ke banje ɔr rann’t ndát-ndát nè nga ede nè: – I tam tà le rai ke tel tò karè nè nga ade doo karé géa oo lé. Nè aw i deje njèkuje nyan-mese le kade gon rai an ɓita i unn nyan kade noje ade titeke gute-ndu Moise tam’n. I ra bè le kade dooge malang geri titeke rai tel tò karè ndát-ndát ɓá ta.

Nyanra Njekawkulege 23:22

Kété ɓita kade njèkan dè njérɔge ke aru dɔg inye ngonn basa nè ade aw ɓai nga, è unn ndu’n ade’n ede nè: – I tam tà ke ede’m nè nga ade doo karé ke rang oo lé.

Nje Ke Rome 15:4

Nyange malang ke dé ndang tà’n kêm magtub’t kété mari nga, dé ndang de le ndó’n jèi nyan. Magtub ke tò se ninn’n ndó jèi korè tà njak se sɔlkêm ke j’ingei tà’n kêm Magtub’t le Nube tede kade j’undei kêm jéi tchên ke dènn’t.

1 Nje Ke Corinthe 10:11

Nyange nè ke ndɔ ke teei dè kà jéige’t nga, ei nyan-tɔjege. Dé ndang tà’n kêm Magtub’t le Nube kade j’undei kumkunju dè ra jéi’t, tede jè ndii dè kurloo ke ɔje dè ngei nyange malang.