Marc 1:40 - Nouveau Testament en Gulay 2004

⁴⁰ Dingem karé ree ra Jésu’t. E ɔse keje’n nang nonn’t, ndête’n ɓɔk-ɓɔk ede nè: – Kɔkrɔ karè, ke nè á i ndige se’m le kade banje ɔr ram’t ndát-ndát ɓaa, ram à tel tò karè ndát-ndát kuwe tɔ.

Marc 1:40 Iomraidhean Croise

Matthieu 11:5

Njékumtɔge teli an-in loo a, njédɔge metege teli njiyei mong ɗáj-ɗáj a, banje ɔr ra njébanjege’t ndát-ndát a, njémbi mbege teli ooi tà njai-njai a, dooge undei loo teei dann njé ke koo’t a, Tà ke Maje nga géa d’ile mber’n d’ade njéndooge ɓá a tɔ.

Matthieu 17:14

Loo ke Jésu se njékuwe-girnge reei teei ra doobulege’t ngɔr ɓaa, dingem karé aw ra Jésu’t ɔse keje’n nang nonn’t ede’n ede nè:

Marc 1:41

Jésu an kumndoo le dingem ke njèbanje. E ule ji’n ɔde’n ra njèbanje, ede’n ede nè: – M’ndige bè kuwe, maje kade rai tel tò karè ndát-ndát.

Marc 10:17

Loo ke Jésu in oso rebe le kaw ɓaa, dingem karé bè an-in ngɔde ree ɔse keje’n nang nonn’t. E deje’n ede nè: – Ngar, i i doo ke maje, ké m’a ra ri á le kinge’n ndikumgajer se non nga wa?

Tà ke Maje ke Luc ndang 22:41

Go’t gugu, è ɔr ra’n aw heb ɗêk. E ɔse keje’n nang ɔje tà se Nube ade koo’n tò mbɔr dum è ke kété ede nè:

Nyanra Njekawkulege 7:60

E ɔse keje’n nang tam tà se ndu’n ke bòi ede nè: – Kuwe-ɓee, inye go ra majelé le de nè nga kɔke. Loo ke Etienne tam tà nè nga titeke bè ɓaa, tà’n tête nyonk.

Nje Ke Ephese 3:14

Gir’n ke nè á m’ɔse’n keje’m nang non Bɔ jéi’t,