Marc 1:39 - Nouveau Testament en Gulay 2004

³⁹ Jésu aw ile mber kêm kei kebe nange’t le de ke ɓeekon ke Galilée bere mbak. E rɔ ndilge ke majelé kɔke a tɔ.

Marc 1:39 Iomraidhean Croise

Matthieu 4:23

Jésu aw se loo-loo kêm ɓeekon ke Galilée bere mbak ndó dooge nyan kêm kei kebe nange’t le de ile mber Tà ke Maje ɔje dè konɓee le Nube a, ɔr ratur ke rara ra njératurge dann kosdooge’t a, se njè ke kêl ra de wei tonrin a tɔ.

Matthieu 9:35

Jésu aw se kêm ɓee-bòge se ngann ɓeege malang ndó dooge nyan kêm kei kebe nange’t le de. E ile mber Tà ke Maje ke ɔje dè Konɓee le Nube ade de a, è ɔr ratur ra njératurge’t se njé ke kêl ra de wei tonrin a tɔ.

Marc 1:21

Jésu se njékuwe-girnge awi kêm ɓee ke Capernaum. Ke loon’t nè kuwe, Jésu aw kêm kei kebe nan’t se ndɔ taa kebe, è unn gir ndó dooge nyan.

Marc 1:23

Dingem karé ke ndil ke majelé tò kêmn’t ndi kêm kei kebe nan’t nè nga tɔ. Ke loon’t nè kuwe, è tam tà se ndu’n ke bòi ede nè:

Marc 1:38

Jésu ede de nè: – Ade j’awi kêm ɓeege ke rang ke tooi kɔte nan’t nè, le kade m’ile mber tà le Nube tutu tɔ. E tede è ke nè á m’unde loo m’tee’n kêm ɓee-bò’t.

Marc 3:1

Ndɔ karé ke rang, Jésu tel aw kêm kei kebe nan’t. Dingem karé ke ji’n wei tonrin ndi kêm kei kebe nan’t nè nga tɔ.

Marc 6:6

Tà ige Jésu sêl dè kunn mbi dè tà’t le doobulege. Jésu ɔte aw se ngann ɓeege ke gan-in dè Nazareth gêrêr ndó dooge nyan.

Marc 7:30

Loo ke dinye nè tel aw ɓéee ɓaa, è inge ngonn’n nè nga tò dè tire’t jêke^ tede ndil ke majelé nga unde loo tee kêmn’t ɓá ta.

Tà ke Maje ke Luc ndang 4:41

Ndilge ke majelé géa undei loo teei kêm dooge’t bule se non tà de’t beng-beng edi nè: – I i Ngonn le Nube. Jésu on de njanm-njanm ɔge de tam tà, tede dé ger’n mbak titeke è Krist.