Marc 1:28 - Nouveau Testament en Gulay 2004

²⁸ Ke loon’t nè kuwe, kɔbe nyan ke Jésu ra nga oso se loo mbit mbit kêm ɓeekon ke Galilée bere mbak.

Marc 1:28 Iomraidhean Croise

Matthieu 4:24

Kɔbe nyan ke Jésu ra nga, oso se loo mbit-mbit kêm ɓeekon ke Syrie bere mbak. Dé ree se njératurge ke raturge gai-gai rai kum de ndoo ra Jésu’t. E ɔr ratur dè de’t malang: Njé ke ndilge ke majelé tooi kêm de’t se njé ke kɔnon tɔte de a, njé ke kêl ra de wei tonrin a tɔ.

Matthieu 9:26

Sertà nè oso se loo mbit-mbit kêm ɓeekon’t nè nga.

Matthieu 9:31

Nè loo ke njékumtɔge ke joo nè undei loo teei ɓaa, mbɔr bè kuwe adi kɔbe Jésu oso se loo mbit-mbit kêm ɓeekon’t nè nga.

Marc 1:27

Ndil dooge malang tee an-in soin-soin ade deji nan tà edi nè: – Ké nyan nè nga è ri wa? E nyan-ndó ke gai se tɔgmong ke in ra Nube’t. Ndilge ke majelé géa Jésu on de njanm-njanm ade ulei dè de adii.

Marc 1:29

Loo ke Jésu unde loo tee nata kêm kei kebe nan’t ɓaa, ke loon’t nè kuwe è se Jacques se Jean, awi kêm kei le Simon se André.

Marc 1:45

Nè loo ke dingem nè ɔte aw ɓaa, è unn gir kɔrgir nyan ke tee nè nga ase’n loo nák-nák. Gir’n ke nè á Jésu ase kum kaw ɓee-bò’t tàkum dooge’t ndái-ndái lé. E ndi ngang loo’t nata nè dooge in-in se loo-loo reei rann’t som-som.

Tà ke Maje ke Luc ndang 4:17

Dé ree se magtub ke Esaie, njèribe-dè-tà ke tà Nube’t ndang d’ade’n. Loo ke Jésu teen kêm magtub inge tà nè nga ɓaa, è tute se ndu’n ke bòi ede nè:

Tà ke Maje ke Luc ndang 4:37

Nyan ke Jésu ra nga, kɔbe’n oso se loo mbit-mbit kêm ɓeekon ke Galilée.

Tà ke Maje ke Luc ndang 7:17

Kɔbe nyan ke Jésu ra nè nga oso se loo mbit-mbit kêm ɓeekon ke Judée bere mbak a, se kêm ngann ɓeege ke gan-in dè’n wàk a tɔ.