Marc 1:24 - Nouveau Testament en Gulay 2004

²⁴ – Ké usi ri ra jé’t wa? I Jésu ke Nazareth. Ké i ree le tuju jè kɔke ta wa? Man m’geri mbak, i i ke njè maje kɔr njêt le Nube.

Marc 1:24 Iomraidhean Croise

Matthieu 2:23

E aw ndi kêm ngonn ɓee karé ke ri’n nè Nazareth tede kade tàge ke njéribe-dè-tà ke tà Nube’t tami kété mari aw’n loon’t deĵ. Ei tami edi nè: «E nè nga d’a ɓar’n doo ke Nazareth.»

Matthieu 8:29

Dingemge nè nga tami se ndu de ke bòi beng edi nè: – I Jésu nga ké usi ri ra jé’t wa? Ké i ree le ra kum jé ndoo ɓá ta wa?

Marc 1:23

Dingem karé ke ndil ke majelé tò kêmn’t ndi kêm kei kebe nan’t nè nga tɔ. Ke loon’t nè kuwe, è tam tà se ndu’n ke bòi ede nè:

Marc 1:25

Jésu in se ndil ke majelé ndáng’n ede nè: – Ade asi, unde loo i tee kêm dingem’t nè kɔke.

Marc 10:47

Loo ke Bartimée oo titeke Jésu ke Nazareth à dere ɓaa, è unn gir tam tà se ndu’n ke bòi ede nè: – Jésu ngonnkà David, kɔkrɔ karè an kumndoo le’m.

Marc 14:67

Pierre ndi à ndibe por. Ngonn njèndi nè nga an Pierre gerer ɓaa, è tam se’n ede nè: – I géa ndɔ ke i doo le Jésu ke Nazareth nga tɔ.

Marc 16:6

Ngonn basa nè nga ede de ede nè: – Adi ndil si tee an-in soin-soin lé. Sei sangi Jésu ke Nazareth ke ndɔ ke dé tɔl’n kàde kage-ke-dese’t nga; Nube ade unde loo tee dann njé ke koo’t ɓá. E goto loo ke nè’t. An-in! è loo ke nè á ndɔ ke d’unde ninn’n tutu.

Marc 5:7

E tam tà se ndu’n ke bòi ede nè: – Ké usi ri ram’t wa? I Jésu Ngonn Nube ke Njèndi sêm danran’t. M’ndêti se ri Nube le kade i ra se’m ndáng lé.

Tà ke Maje ke Luc ndang 1:35

Doo ke danran nè nga ile Marie dè’t ede nè: – Ndil-Kêmnda à ra kule rai’t a, tɔgmong le Nube Njèdum dè nyange malang à sebe dèi’t titeke ndil oso’n dè doo’t bè. Gir’n ke nè á, ngonn ke tò se ninn’n ke a oje’n nga d’a ɓar’n Ngonn Nube.

Tà ke Maje ke Luc ndang 24:19

Jésu tel deje de ede nè: – Ké nyan rige á teei wa? Dé tel d’ile’n dè’t d’ede nè: – E nyange ke ɔje dè Jésu ke Nazareth, ke è njèribe-dè-tà ke tà Nube’t. Nube se kosdooge malang geri titeke è ra nyange a, tam tàge se tɔgmong a tɔ.

Tà ke Maje ke Luc ndang 4:34

– Hai, Jésu ke Nazareth! Ké usi ri ra jé’t wa? Ké i ree le tuju jè kɔke ta wa? Man m’geri mbak: i i njèkawkule le Nube ke è kuwe ɔri undei se ninn’n gai.

Tà ke Maje ke Luc ndang 8:28

Loo ke è tête kum’n an Jésu ɓaa, è oso nang njann’t, taɓai unn gir tam tà se ndu’n ke bòi beng ede nè: – Jésu, Ngonn le Nube ke njèdum dè nyange malang, ké ri lei á i sang ram’t wa? Kɔkrɔ karè, i ra kum ndoo lé.

Tà ke Maje ke Luc ndang 8:37

Dooge malang ke kêm ɓeekon ke Gérasa nga ɓel ra de ngain ade deji Jésu le kade in aw rang. Jésu al kêm bato’t tede le tel kaw.

Jean 6:69

Jè ɓaa, j’unde kêm jé dèi’t tede jè ger titeke i i doo ke Nube ɔri undei se ninn’n gai.

Nyanra Njekawkulege 2:27

Oiyo, i a kinye ngarankum ra’m ɓee le yo lé a, doo lei ke tò se ninn’n nga i a kinye’n kade jɔri pɔtɔk be-ɓade’t lé a tɔ.

Nyanra Njekawkulege 24:5

Dingem nè nga, j’an’n tò asenan se yo-kos ke tee kêm ɓee’t bè. E njè tule Juipge nan’t ade tà oso’n se kêm ɓee-ɓee. E á è ngol njé le Jésu ke Nazareth, doo nyan le doo nga.

Nyanra Njekawkulege 3:14

E ke tò se ninn’n ke njè ra nyan se dè naje’n nga, sei utei nin mbeng, nè njè tɔl dooge tá i deji Pilate kade inye’n dɔ ade sei.

Nyanra Njekawkulege 4:27

Kerɔte kuwe, Hérode Antipas se Ponce Pilate umi nan’t bɔk se dooge ke ei Juipge lé se kosdooge ke Israel ke ndii kêm ɓee-bò’t nè nga, le kin-in se ngonn njèndi lei Jésu ke i kuwe i ndum wubu dènn’t unde’n se ninn’n.

Jacques 2:19

I gir titeke Nube è karé bere luk-luk. Tàgir lei aw loon’t kuwe. Nè ndilge ke majelé géa giri kem̂ de’t titeke bè tɔ, nè ɓel ra de ade ndebi nginn-nginn.

1 Jean 2:20

Nè sei ɓaa, sei dooge ke è Krist kuwe ndum wubu dè si’t unde sei gai. Gir’n ke nè á sei malang i geri Nube ke get.

Lookilera’n 3:7

Doo ke m’an’n nga tam ede nè: «I ndang magtub ade doo ke danrán ke njèkan dè njékebe nange ke kem̂ ɓee-bò ke Philadelphie. E ke njè tò se ninn’n a, njè tam ngarankum tà a tɔ. E uwe lakêlé le ngar David jinn’t. Ke nè á teen tà rebe ɓaa, doo karé géa asekum kutu gugu lé a, ke nè á utu tà rebe ɓaa, doo karé géa asekum teen gugu lé a tɔ. E tam ede nè: