Marc 1:23 - Nouveau Testament en Gulay 2004

²³ Dingem karé ke ndil ke majelé tò kêmn’t ndi kêm kei kebe nan’t nè nga tɔ. Ke loon’t nè kuwe, è tam tà se ndu’n ke bòi ede nè:

Marc 1:23 Iomraidhean Croise

Matthieu 12:43

Loo ke ndil ke majelé unde loo tee kêm doo’t ɓaa, aw ile gam-gam kêm looge ke mann goto tutu, sang loo taa kebe nè inge lé sár.

Marc 1:22

Tà ige de sêl dè gos nyan-ndó’t le’n. E ndó de nyan se tɔgmong ke Nube ade’n m ndó de nyan tite le njékɔrgir gute-nduge karè lé.

Marc 1:24

– Ké usi ri ra jé’t wa? I Jésu ke Nazareth. Ké i ree le tuju jè kɔke ta wa? Man m’geri mbak, i i ke njè maje kɔr njêt le Nube.

Marc 1:29

Loo ke Jésu unde loo tee nata kêm kei kebe nan’t ɓaa, ke loon’t nè kuwe è se Jacques se Jean, awi kêm kei le Simon se André.

Marc 1:34

Jésu ɔr ratur ra njératurge’t ke raturge gai-gai rai kum de ndoo. E rɔ ndilge ke majelé kɔke bule kêm dooge’t. E inye loo ade ndilge ke majelé tami tà lé, tede ei nè nga geri Jésu mbak.

Marc 1:39

Jésu aw ile mber kêm kei kebe nange’t le de ke ɓeekon ke Galilée bere mbak. E rɔ ndilge ke majelé kɔke a tɔ.

Marc 5:2

Loo ke Jésu à rise ke nang kêm bato’t ɓai ɓaa, ke loon’t nè kuwe, dingem karé ke ndil ke majelé tò kêmn’t unde loo pitring tee dè ɓada dar’n deĵ.

Marc 7:25

Ke loon’t nè kuwe, dinye karé ke ndil ke majelé tò kêm ngonn’n ke dinye’t nga oo ser Jésu. E ree oso nang njann’t gɔrɔk.

Marc 9:25

Jésu an kosdoo-bulege têti nan yip à reei ke ra de’t. E unn gir ndáng ndil ke majelé nè nga ede nè: – I ndil ke majelé ke njé kɔge ngonn nè tam tà se koo tà nga, man m’unn ndu’m m’adi, unde loo i tee kêmn’t aw se noin.