Marc 1:22 - Nouveau Testament en Gulay 2004

²² Tà ige de sêl dè gos nyan-ndó’t le’n. E ndó de nyan se tɔgmong ke Nube ade’n m ndó de nyan tite le njékɔrgir gute-nduge karè lé.

Marc 1:22 Iomraidhean Croise

Matthieu 13:54

E tel ree kêm ɓee-bò’t le’n ke Nazareth ndó dooge nyan kêm kei kebe nan’t le de. Tà ige de sêl ade dé tam d’ede nè: – Ké n’ee nga, n’in se kumkunju ke titeke bè ra wa?

Marc 1:23

Dingem karé ke ndil ke majelé tò kêmn’t ndi kêm kei kebe nan’t nè nga tɔ. Ke loon’t nè kuwe, è tam tà se ndu’n ke bòi ede nè:

Tà ke Maje ke Luc ndang 2:47

Dooge malang ke ooi tà ke Jésu tam nga, tà ige de sêl dè gos nyanger’t le’n se dè tà ke è ile de dè’t se kumkunju’n a tɔ.

Tà ke Maje ke Luc ndang 21:15

Tede tà kumkunju ke m’a m’ule tà si’t nga, doo karé bè géa dann njébange’t le si asekum naje sei tà’t éké kile sei dè tà’t ndan lé.

Tà ke Maje ke Luc ndang 4:32

Ndil de tee an-in soin-soin dè gos nyange ke è ndó de’t, tede è ndó de nyange nè nga se tɔgmong.

Jean 7:46

Njérɔge ilei de dè’t edi nè: – Doo karé ke tam tà tite doo nè nga, j’inge’n nja karé ndan lé ɓai.

Nyanra Njekawkulege 6:10

Nè ei asikum naji se’n tà dum lé tede è tam tà se go kumkunju ke Ndil-Kêmnda ade’n.

2 Nje Ke Corinthe 4:2

Jè mbate nyan rasɔlge ke ra se go ngein. Jè ra nyan karé le libe’n kum doo lé a, j’ur mann dann tà’t le Nube lé a tɔ. Nè jè tee se ngarankum tà j’ade tò nata ndái-ndái a, j’ɔrgir ra jé njai j’ade dooge malang geri se kêm de non Nube’t a tɔ.