Marc 1:21 - Nouveau Testament en Gulay 2004

²¹ Jésu se njékuwe-girnge awi kêm ɓee ke Capernaum. Ke loon’t nè kuwe, Jésu aw kêm kei kebe nan’t se ndɔ taa kebe, è unn gir ndó dooge nyan.

Marc 1:21 Iomraidhean Croise

Matthieu 4:13

Jésu inye ɓee ke Nazareth aw ndi kêm ɓee-bò ke Capernaum kɔte ba ke dè ninn ɓeekon le Zabulon se Nephtali.

Matthieu 4:23

Jésu aw se loo-loo kêm ɓeekon ke Galilée bere mbak ndó dooge nyan kêm kei kebe nange’t le de ile mber Tà ke Maje ɔje dè konɓee le Nube a, ɔr ratur ke rara ra njératurge dann kosdooge’t a, se njè ke kêl ra de wei tonrin a tɔ.

Marc 1:20

Ke loon’t nè kuwe, Jésu ɓar de ɓaa, ei inyei bɔ de Zébédée kêm ngonn bato’t se njékulege le’n unni rebe go Jésu’t.

Marc 1:29

Loo ke Jésu unde loo tee nata kêm kei kebe nan’t ɓaa, ke loon’t nè kuwe è se Jacques se Jean, awi kêm kei le Simon se André.

Marc 1:33

Dooge ke kêm ɓee-bò’t nè bere mbak kebi nan tàbit kei rebe’t.

Marc 1:39

Jésu aw ile mber kêm kei kebe nange’t le de ke ɓeekon ke Galilée bere mbak. E rɔ ndilge ke majelé kɔke a tɔ.

Marc 10:1

Jésu in kêm ɓee ke Capernaum aw kêm ɓeekon ke Judée gide ba ke ri’n Jourdain. Doobulege ngain teli kebi nan rann’t. E unn gir ndó de nyan titeke ra’n kété-kété.

Marc 2:1

Ase ndɔ bule go’t gugu ɓaa, Jésu tel ree kêm ɓee-bò ke Capernaum. Dooge ooi ser’n titeke è ndi kêm kei karé bè.

Marc 3:1

Ndɔ karé ke rang, Jésu tel aw kêm kei kebe nan’t. Dingem karé ke ji’n wei tonrin ndi kêm kei kebe nan’t nè nga tɔ.

Marc 6:2

E unn gir ndó dooge nyan kêm kei kebe nan’t se ndɔ taa kebe. Doobulege ke ndii tutu ooi tà lé’n nga, tà ige de sêl ade tami edi nè: – Ké n’inge tàgirge ke titeke bè nga ra wa? Ké gos nyanger nè nga n’in’n ra wa? Ké nan adé tɔgmong á n’ra’n nyankɔbege ke doo an kété ndan lé nè nga wa?

Tà ke Maje ke Luc ndang 10:15

Sei dooge ke kêm ɓee ke Capernaum, ké sei giri kêm si’t edi nè ɓee le si nga d’a tel’n ke ɓee ke bò wa? Ḿ-m̀ è bè lé, ɓee le si nga d’a tel’n ke ɓee ke njè kutu go madennge malang.

Tà ke Maje ke Luc ndang 13:10

Ndɔ karé bè, Jésu ndó dooge nyan kêm kei kebe nan’t. Ndɔ nè nga è ndɔ taa kebe.

Tà ke Maje ke Luc ndang 4:16

Jésu in loon’t nè aw ɓee ke Nazareth. Nazareth nga, è ɓee ke ndɔ ke d’oto’n tutu d’ade tɔge. E aw se de kêm kei kebe nan’t se go ra ke è ra’n kété-kété se ndɔ taa kebe. E ɔse nang in dɔ le tute magtub le Nube kade de.

Tà ke Maje ke Luc ndang 4:23

Jésu ede de ede nè: – Kerɔte kuwe, sei a kundei se’m kuju-tam kedi nè: «Njèkuge-kaje i kuwe aje rai ɓita.» Taɓai sei a tami se’m kedi nè: «J’oo tà nyange malang ke i ra kêm ɓee-bò ke Capernaum. I ra nyange nè nga kêm ɓee koji’t ade j’an tɔ.»

Nyanra Njekawkulege 17:2

Paul aw inge Juipge kêm kei kebe nan’t titeke è ra’n kété-kété. E ndi se de kei kebe nan’t bè-bè ase nja mute, è naje se de tà dè magtubge ke tooi se ninn de.

Nyanra Njekawkulege 18:4

Se ndɔ taa kebe karé-karé malang, Paul aw ɔje tà se njé ei Juipge se njé ke ei Juipge lé a tɔ, kêm kei kebe nan’t. E sang le kade kum de gang dè tà’t le Nube.