Marc 1:14 - Nouveau Testament en Gulay 2004

¹⁴ Loo ke d’uwe Jean d’ile’n dangai’t ɓá ɓaa, Jésu in ree ɓeekon ke Galilée, è ile mber Tà ke Maje le Nube, ede nè:

Marc 1:14 Iomraidhean Croise

Matthieu 11:2

Jean ke njèkule dooge manné njonm tò dangai’t. E oo kɔbe nyange ke Krist ra. Jean ule pajage le’n ra Jésu’t ade deji nin edi nè:

Matthieu 14:2

E ede ngann njéndige le’n ede nè: – Doo nè nga, è Jean ke njé kule dooge manné njonm á tɔse ndel in dann njé ke koo’t. Gir’n ke nè á è aw’n se tɔgmong le ra’n nyankɔbege.

Matthieu 4:12

Loo ke Jésu oo titeke d’uwe Jean d’ile’n dangai ɓaa, è ɔr ra’n aw kêm ɓeekon ke Galilée.

Matthieu 4:17

Unn gir kêm ndɔn’t nè, Jésu ile mber ede nè: – I turi hal si tede konɓee ke danrán nain ngɔr ta.

Matthieu 4:23

Jésu aw se loo-loo kêm ɓeekon ke Galilée bere mbak ndó dooge nyan kêm kei kebe nange’t le de ile mber Tà ke Maje ɔje dè konɓee le Nube a, ɔr ratur ke rara ra njératurge dann kosdooge’t a, se njè ke kêl ra de wei tonrin a tɔ.

Matthieu 9:35

Jésu aw se kêm ɓee-bòge se ngann ɓeege malang ndó dooge nyan kêm kei kebe nange’t le de. E ile mber Tà ke Maje ke ɔje dè Konɓee le Nube ade de a, è ɔr ratur ra njératurge’t se njé ke kêl ra de wei tonrin a tɔ.

Tà ke Maje ke Luc ndang 3:20

Taɓai kuwe ke Hérode ade d’uwe Jean d’ile’n dangai’t nga, è majelé ke è ra ile dè made’t.

Tà ke Maje ke Luc ndang 8:1

Go’t gugu ɓaa, Jésu aw se loo-loo kêm ɓee-bòge se kêm ngann ɓeege ile mber Tà ke Maje ke ɔje dè Konɓee le Nube ade dooge. Njékuwe-girnge ke dɔg-gidé-joo danni nin.

Nyanra Njekawkulege 20:25

An-in! sei malang ke ndɔ ke m’aw m’ile mber Konɓee le Nube dann si’t nga, ɗarinè m’ger titeke a an-in kum’m gugu lé ta.

Nyanra Njekawkulege 28:23

Paul se Juipge ɔji ndɔ tede tel kinge’n nan. Loo ke ndɔ nè ase deĵ ɓaa, Juipge reei ngain dum ke kété ingei nin kêm kei ndinn’t kuwe. Paul ɔrgir tà se ndɔgé sár loo sɔlé a, ile mber Konɓee le Nube nga ndàt ade de a tɔ. E uwe ra’n mong le kade kum de gang dè Jésu’t se go tà ke kêm magtub gute-ndu’t le Moise sár tee’n dè magtubge’t le njéribe-dè tàge ke tà Nube’t.

Nje Ke Rome 1:1

Man Paul, ɓer kule le Jésu-Krist, Nube ɓar’m unde’m ke njèkawkule. Nube unde’m se ninn’n le kade m’ee njèkile mber Tà ke Maje le’n.

Nje Ke Ephese 2:17

Jésu-Krist ree ile mber Tà ke Maje ke ɔje dè kem̂lom ade sei ke kété i ndii heb se Nube a, ade njé ke kété ndii ngɔr se’n a tɔ.