Jacques 4:4 - Nouveau Testament en Gulay 2004

⁴ Sei njé mbate Nubege! Doo ke uwe made nan se nang nè nga è njèban le Nube. Ké sei geri titeke bè lé wa? Doo ke ndige kuwe made nan se nang nè ɓaa, è kuwe tel ra’n ke njèban le Nube ta.

Jacques 4:4 Iomraidhean Croise

Matthieu 12:39

Nè Jésu ile de dè’t ede nè: – Sei njékêm majelége ke njé tur gide si kade Nube ke ɗarinè i ndii dè nang nè nga, i sangi le kan-in nyankɔbe. Nè nyankɔbe karé bè ke rang géa a an-in lé. Nè Jonas njèribe-dè-tà ke tà Nube’t ke ndɔ ke è nyankɔbe ke an-in kété ɓá non kuwe ase.

Matthieu 16:4

Sei dooge ke njé kêm majelége se njétur gide si kade Nube ke ɗarinè i ndii dè nang nè nga, i sangi le kan-in nyankɔbe. Nè nyankɔbe karé ke rang géa a an-in lé. Jonas njèribe-dè-tà ke tà Nube’t ke è nyankɔbe ke ndɔ ke an-in kété ɓá non kuwe ase. Loo ke Jésu tam tà nè nga bè ɓaa, è inye de ɔte aw.

Matthieu 6:24

Doo karé asekum ra kule kade kuwenge joo kêm kurloo ke karé’t lé. E à ɔr è ke karé njêt, nè è à unde è karé ke rang dann kumn’t. Taɓai è à ile koje dè è ke karé’t, nè à an è karé ke nyan lé. Sei asikum ra ɓer le Nube se ra ɓer le nar kade nan’t joo mbak lé.

Tà ke Maje ke Luc ndang 19:27

Njébange le’m ke ndigi kade m’on de lé nga, i tuwei de i reei se de ndá’t, i tɔli de tàkum’t nè.

Jean 15:19

Ke nè á sei le dè nang nè ɓaa, njé ke dè nang nè ayé ndigi sei tede ei ndigi nyan ke è nyan kinge de tá. Sei nga, sei le dè nè nang lé; nè è man kuwe m’tɔr sei dann de’t kɔke m’unde sei se ninn’n dè nang nè. Gir’n ke nè á njé ke dè nang nè ɔri sei njêt.

Jean 17:14

M’ribe dè tà lei made de, nè njé ke dè nang nè ɔri de njêt tede dé le nang nè lé titeke man géa m’ee le nang nè lé nga tɔ.

Jean 7:7

Sei ɓaa, dooge ke dè nang nè asikum kɔr sei njêt lé, nè man ɓaa dooge ke dè nang nè ɔri man njêt tede kɔr ke m’ɔr gir nyanra de ke majelé ke nata se ndɔ’m-ndɔ’m.

Nje Ke Rome 5:10

Kerɔte kuwe, kété jéi njébange le Nube. Nè ɗarinè, Nube um jéi nan’t se’n takul kwei le Ngonn’n. Ke nè á j’um nan’t se Nube ɓá ɓaa, Nube à aje jéi takul ndikumgajer le Ngonn’n nga tɔ.

Nje Ke Rome 8:7

Tàgir le danra è njèban le Nube tede ase kile koje dè gute-ndu Nube’t lé. Kerɔte kuwe, dooge ke njiyei se go tàgir le danra nga asi kilei koje dè gute-ndu Nube’t lé.

1 Nje Ke Corinthe 1:20

Ké tà ri á njèkumkunju ase tam ɓai wa? Ké tà ri á njèkɔrgir gute-ndu ase tam ɓai wa? Gos nyanger ke dè nang nè nga, Nube tel’n ke nyan mbe.

1 Nje Ke Corinthe 1:21

Loo ke Nube tɔje ra’n dè gos nyanger’t le’n tutu nga, dooge asi geri nin se go nyanger le de ke dè nang nè lé. Gir’n ke nè á Nube ɔje njáng le kaje dooge ke undei kêm de dè Tà ke Maje’t ke j’ile mber’n. Tà ke Maje ke j’ile mber’n nga, njégos nyangerge ke ndii à tuji ooi ke tà mbe.

Nje Ke Galatie 1:10

Ɗarinè, ké m’aw ndoo taa kum dooge éké m’aw ndoo taa kum Nube wa? Ke nè á m’sang le taa kum dooge karè ɓaa, bainléa ɓila man m’ee le Krist lé ta.

Jacques 1:27

Tɔse kum dè ngann halge’t se njékei-kingege dè nyantosowurge’t le de a, kan go ra sêw-sêw dè nyange ke mine ke dè nang nè a tɔ, è ngarankum ger Nube ke taa kum Bɔ jéi Nube.