Jacques 1:4 - Nouveau Testament en Gulay 2004

⁴ Korè tà njak le si nga maje kade undei dè se rebe lé. Titeke bè á sei a maji kɔri njêt a, nyan karé bè géa à nal sei lé a tɔ.

Jacques 1:4 Iomraidhean Croise

Matthieu 10:22

Dooge malang à ɔri sei njêt tede ri’m man. Nè è ke nda dè njann’t njáng sár ndɔ ke ngeinn’t ɓaa, Nube à aje’n.

Matthieu 19:20

Basa doo nè nga ede Jésu ede nè: – Nyange nè nga malang m’an dè sêw-sêw ɓá, ké ri á nain kade m’ra taɓai wa?

Matthieu 5:48

I maji ɔri njêt titeke Bɔ si ke ndi danran ee’n njè maje kɔr njêt nga tɔ.

Marc 10:21

Jésu an basa nè nga gerer, tede è tár’n ngain. Jésu ede’n ede nè: – Nain nyan karé kade i ra ɓai. Aw, ige nyankingeige malang, i kai nar’n njéndooge ɓaa, a inge nyanbaw danrán. I ra nyange nè malang pa ɓita i ree unn rebe goom’t ɓai.

Tà ke Maje ke Luc ndang 18:22

Loo ke Jésu oo tà le doo nè bè ɓaa, è ede’n ede nè: – Nyan karé nain kade i ra ɓai. Aw ige nyange lei mbak inye nar’n i nobo njéndooge ɓaa, i a kinge nyanbaw ra Nube’t nú ɓai. Aw i ra nyange nè pa ɓita i tel i ree unn rebe goom’t ɓai.

Tà ke Maje ke Luc ndang 21:19

Takul korè tà njak le si á d’a kaje’n nganrankum ra si.

Tà ke Maje ke Luc ndang 8:15

Njar ko ke tée toso dè nang ke maje’t nga, ei dooge ke ooi Tà ke Maje se kêmnda káng ɓaa ngonmi dè ɓengre de’t a, ligri dè’t lagr-lagr sár adi kann de tò tutu.

Jean 17:23

Man m’um se de nan’t bɔk titeke i um’n se’m nan’t bɔk bè tɔ tede kade dé malang d’um nan’t bɔk-bɔk. Titeke bè á dooge ke dè nang nè à geri titeke è i kuwe á ule’m. Maje kade njé ke dè nang nè geri titeke i tár de titeke i tár’m bè tɔ.

1 Nje Ke Corinthe 2:6

Nè né è bè géa, Krist kuwe è kumkunju ke j’ile mber’n j’ade njé ke tɔgi dè kundekêm’t le de. Kumkunju nè nga in ra dooge’t éké in ra njékonɓeege’t ke dè nang ɗarinè nè nga lé. Kumkunju ke in ra dooge’t éké ra njékonɓeege’t nga, ndɔ ke rang à undei nang ɓai.

Nje Ke Galatie 6:9

Adi kem̂ jéi tête mann dè ra nyan ke maje’t nga lé. Ke nè á j’adi ji jéi sɔl giré lé ɓaa, ndɔn’t j’à j’ujei kann’n ɓai.

Nje Ke Colosses 4:12

Epaphras, doo ke ɓee le si nú ra sei lapya. E ɓer kule le Nube ke ndi ra rɔ se ndɔge malang tede le si loo kɔje tà’t le’n se Nube. E ra titeke bè kade i ndai dè nja si’t njáng a, i maji ɔri njêt a, i geri nyan malang ke kem̂ Nube ndige a tɔ.

1 Nje Ke Thessalonique 5:23

Maje kade Nube ke kem̂lom in ra’n è’t kuwe tel sei ke dooge le’n ke i tooi se ninn si gai. Maje kade Nube ngonm ra si bere mbak, ngonm ndil si se nganrankum ra si a, ngonm danra ra si a tɔ, le kade tà karé géa uwe dè si ndɔ tel ree’t le Kuwe-ɓee le jéi Jésu-Krist nga lé.

2 Timothee 3:17

Titeke bè á doo le Nube à maje’n kɔr’n njêt, à uwe’n dè nja ra’n le ra’n nyange ke maje ke se ri de-ri de malang.

Hebreuge 13:21

Maje kade Nube ke njè kade jèi kem̂lom ade sei tɔg si ade i rai nyange ke maje ke se ri de-ri de. Maje kade ade sei tɔg si kade i rai nyan ke kem̂’n ndige. Maje kade Nube ade jè rai nyange ke taai kum’n takul Jésu-Krist. Maje kade ndubra è le Krist sár se non. Maje kade è titeke bè kuwe.

Jacques 1:5

Ke nè á doo karé dann si’t nal kumkunju ɓaa, maje kade kɔ Nube. Nube è njè kade dooge malang nyan se kem̂ karé anje ndáng de.

Jacques 3:2

Jèi malang jè rai nyange ke se go rebe’n lé nja bule. Ke nè á doo karé ur tà ninge’t salang lé ɓaa, è doo ke maje ɔr njêt kuwe. E doo ke asekum kule aljem̂ tànn’t kan-in’n ngang ra’n garar-garar.

1 Pierre 5:10

Nyankem̂konge ke à rai sei nga, kò’n à tò mbɔr lé. Nè Nube ke ɓar sei nga, nyan-nojege malang in rann’t. E ɓar sei le kade oréi nan se’n dè ndubra’t le’n ke à tò sár se non takul kum ke sei umi nan’t bɔk se Krist. Nube kuwe à tel gɔl sei kade i teli i ndai dè nja si’t njáng anje tɔ pum.

2 Pierre 1:9

Doo ke aw se nyange nè nga lé ɓaa, è njè kum libe ke tò asenan se njèkumtɔ ke manm loo mem̂-mem̂ bè. Doo nè nga kem̂’n wei nal sêl dè majelége ke mari ke d’ɔr’n tutu nga.