Jacques 1:2 - Nouveau Testament en Gulay 2004

² Ngakonmge, ke nè á nja si tuge sei dè nyan nange’t gai-gai ɓaa, an-in ke nyan ranel ke deri.

Jacques 1:2 Iomraidhean Croise

Nyanra Njekawkulege 5:41

Njékawkulege undei loo teei loo gangtà’t se ranel tede Nube an de ke dooge ke asikum kade d’ile rasɔl dè de’t tede ri Kuwe-ɓee Jésu.

Nje Ke Rome 5:3

E ke nè á go karé lé, nè dè jé in tchakm dann nyantosowurge ke ra jèi, tede jè geri titeke nyantosowur oje korè tà njak.

Nje Ke Philippes 1:29

Tede Nube uwe se si noje le kade undei kem̂ si dè Krist’t á go karé lé, nè le kade ingei nyankem̂konge tede le Krist.

Nje Ke Philippes 2:17

Ké nè á d’ayé kile mese’m nang ke nyankuje-mese dè made’t ɓai tede kundekem̂ le si géa, m’ra ranel se si nan’t malang.

Nje Ke Philippes 2:18

Sei géa, i rai ranel a, ali ra si se’m nan’t a tɔ.

Nje Ke Colosses 1:24

Ɗarinè, m’ra ranel dè nyankem̂konge ke m’inge tede le si. Titeke bè á m’oré’n se Krist nan dè nyantosowurge ke ndɔ ke ra’n, se ndɔ’m-ndɔ’m tede le danra’n ke è njékebe nange le Nube nga.

Hebreuge 10:34

Sei an-in kumndoo le dangaige. Loo ke dooge ɔyi nyankinge sige géa, sei rai ranel tede sei geri mbak titeke nyankinge le si ke maje dum ke doo à taa ji si’t lé tò ra Nube’t non ɓai.

Jacques 1:12

Doo ke oré tà’n njak dè nyange ke nann’t ɓaa, ra’n à nel’n. Doo ke orè tà’n njak dè nyange ke nan-in nin ɓaa à inge jɔkɔ kunn banga le ndii’n kumgajer. Jɔkɔ kunn banga nga, ndɔ ke Nube unn’n ndu’n le kade njé ke tárii.

Jacques 1:16

Sei kotárge le’m, adi kum si sú sei dè tà’t nè nga lé.

Jacques 1:19

Ooi tà nè maje, kotárge le’m. Maje kade nanan géa in kalang ur mbi’n oo’n tà. Nè maje kade in kalang tam tà éké ade wong in se’n kalang lé a tɔ.

Jacques 5:11

An-in! dooge ke ndai dè nja de’t njáng nga, j’ede nè ei njéranelge. Kerɔte kuwe, sei ooi sertà ke ɔje dè korè tà njak le Job. Sei geri nyange ke Kuwe-ɓee ade’n utu go nyankumndoo ke ra’n. Oiyo, Kuwe-ɓee nga è baw kan kumtondoo a, è baw kem̂kanm a tɔ.

2 Pierre 2:9

Kuwe-ɓee Nube ger loo kɔr njé ke ilei koje dènn’t dann nyan ke à nan de. Nè è ger loo kunde njé kem̂ majelége konn le ngine’n ndɔ gangtà. Ndɔ nè nga, kure nyanra de à ɔde kum de labi-labi.

Lookilera’n 2:10

I ɓel nyankumndoo ke à rai nga lé. An! njè kem̂ majelé à tile dooge ke nange dann si’t dangai’t tede nan’n sei. Nyantosowur à ra sei ndɔ dɔg. Um kem̂i dèm’t i nda njang sár ndɔ kwei’t ɓaa, m’a m’adi jɔkɔ kunn banga ke ndikumgajer nga tɔ.