2 Pierre 1:4 - Nouveau Testament en Gulay 2004

⁴ Takul ndubra se tɔgmong nè á j’ingei nyan-majege ke bòi ke gate de è ngain ke ndɔ ke Nube unn’n ndu’n le kade jèi nga. E ade sei nyan-majege nè nga titeke bè tede kade ngur nyange ke majelé le nang nè tuju’n sei lé, nè le kade i teli seii girkoje le Nube.

2 Pierre 1:4 Iomraidhean Croise

Nje Ke Rome 9:4

Dé nè nga, dé dooge ke ndɔ ke Nube tel de ke ngann’n. D’an ndubra le’n se kum de a, è mann ra’n ade de a, è ade de gute-ndu’n a, inye loo ade dé ra kule d’ade’n a, è unn ndu’n ade de a tɔ.

2 Nje Ke Corinthe 1:20

Krist è «oiyo» ke ribe dè ndukunnge le Nube malang ke ɔje kêm’n le ra. E se takul’n á j’ede’n nè «Maje kade è titeke bè» tede kule’n ndubra dè Nube’t.

2 Nje Ke Corinthe 3:18

Jèi malang ke d’ɔr tà kubu nè kum jéi’t kɔke nga, j’adi ndubra le Kuwe-ɓee kile ra’n ke nata asenan se kuturam bè. Jèi nga dé tel jèi ke kum gute tà Kuwe-ɓee. E nga ndubra le’n ke in dè made’t ke kété-kété nga tel è ndubra le jéi. E ke nè á è kule ra Ndil Kuwe-ɓee ke ra tede le jéi.

2 Nje Ke Corinthe 6:17

Gir’n ke nè á Kuwe-ɓee tam’n ede nè: «Undei loo i teei dann de’t kɔke i ndii gai, ɔdi ra nyan ke mine lé ɓaa, m’a m’uwe sei ke ram’t.

Nje Ke Galatie 3:16

Ndɔ ke Nube unn ndu’n ade Abraham se ngonnkà’n. Nube tam ede nè: «Ngannkàige» lé, nè «ngonnkài». E ule ji’n dè ngonnkà’n ke karé bere luk-luk ke è Krist. Ke nè á Nube tam ede nè ngannkàige ɓaa, tà nè ɔje dè dooge bule.

Nje Ke Galatie 6:8

Doo ke dubu nyan ke ɔje dè danra ɓaa, è à uje kann nyan ke oje dè danra ke è tuju nga tɔ. Doo ke dubu nyan ke ɔje dè Ndil ɓaa à inge ndikumgajer sár se non. Ndikumgajer sár se non nga, è kann nyan le Ndil.

Nje Ke Ephese 4:13

Njétaakem̂-Kristge nè nga à rai kule le de ke ɔje dè de, dè de kum de ke kété-kété. E á jèi malang j’à teli k’eei danra ke karé bere luk-luk dè kundekem̂’t a, se dè ger gel Ngonn le Nube’t a tɔ. Jèi malang j’à teli k’eei dooge ke tɔge káng-káng, le maji kɔri njêt tite Krist bè tɔ.

Nje Ke Colosses 3:10

Ke nè á awi se kubu ke kige ɓaa, sei i teli doo ke kige. Doo nè tel ra’n kige se ndɔge malang a, tel tanan se njèkunde’n tcha-tcha a tɔ. Titeke bè á sei asikum geri gel Nube njai.

Hebreuge 12:10

Bɔ jéige ke oji jè nga tɔji jèi kumkunju mbɔr se go tàgirge le de ei. Nè Nube ɓaa tɔje jèi kumkunju tede kade j’ubei maje a, jè tooi se ninn jéi gai tite’n è bè tɔ.

Hebreuge 9:15

Gir’n ke nè á Krist ee’n njè nda dann dooge se Nube ɔje’n dè mann-ra ke kige nè nga. E wei uge dè dooge ke ali tà kété mari gir mann-ra ke desêin’t. Titeke bè á dooge ke Nube ɓar de à asi kingei nyan-majege ke tooi se non ke ndɔ ke è unn’n ndu’n le kade de nga.

Jacques 1:27

Tɔse kum dè ngann halge’t se njékei-kingege dè nyantosowurge’t le de a, kan go ra sêw-sêw dè nyange ke mine ke dè nang nè a tɔ, è ngarankum ger Nube ke taa kum Bɔ jéi Nube.

2 Pierre 1:1

Man Simon Pierre ɓer le Jésu-Krist a, se njèkawkule le’n a tɔ. M’ndang magtub m’ade njé ke undei kem̂ dè Jésu’t titeke j’unde’n kem̂ jéi dènn’t nga a tɔ. Kundekem̂ ke gate’n è ngain ke tɔje ndá Nube ke njè ra nyan se dè naje’n a, tɔje ndá Jésu-Krist ke njèkaje jèi a tɔ.

2 Pierre 3:13

Nè jè ndii jè nginei danran ke kige se nang ke kige se go ndukunn ke Nube unn ade jèi nga. Danran ke kige se nang ke kige nga, nyanra ke se dè naje’n à on ɓee tutu.

2 Pierre 3:9

Kuwe-ɓee tile mbɔr dè ndukunn ke ɔje dè ndɔ tel ree le’n titeke njé ke nange giri nga lé. Nè è ile kem̂’n pon dè si’t tede è ndige le kade doo karé bè géa dann si’t tuju lé. E ndige le kade dooge malang ɔsi wan teli turi hal de.

1 Jean 2:25

Ndikumgajer sár se non nga, è nyan ke Krist unn’n ndu’n ade jèi kété ɓá.

1 Jean 3:2

Kotárge le’m, ɗarinè jèi ngann Nube. Nè táa ke jè táai nan se’n nga, ɗarinè tò nata ndái-ndái lé ɓai. Nè né è bè géa, nyan karé ke jè geri á tò nè: Ndɔ ke Krist à tel kunde loo tee pan ɓaa, j’à tooi táai nan se’n tcha-tcha tede j’à j’an-in nin se kum jéi ndan-ndan kem̂ ndɔn’t nè nga.