Philippi 1:8 - De Nyew Testament

⁸ God know hommuch A wahn fa see oona. A da lob oona wid all me haat jes like Jedus Christ da lob we.

Philippi 1:8 Iomraidhean Croise

Luke 1:78

Cause we God feel wa we feel, an e mussyful an do we good. E gwine mek de light ob sabation fa shine pon we like de sun ob day clean broad.

Rome 1:9

A da saab God wid all me haat, fa tell de Good Nyews bout e Son. An God know dat wa A say, e true. E know dat A da memba oona all de time, wensoneba A da pray.

Rome 9:1

A da tell oona de trute, cause A blongst ta Christ. A ain da lie none tall. Me haat wa de Holy Sperit da rule, e da tell me say A ain da lie.

2 Corinth 13:9

We heppy wen we weak bot oona scrong. We da pray dat God mek oona grow mo an mo een oona waak wid Christ.

2 Corinth 6:12

We ain shet op we haat ginst oona, bot oona da shet op oona haat ginst we.

2 Corinth 7:15

So den, Titus da lob oona mo an mo, wen e da memba how oona all been ready fa do wa e tell oona fa do, an how wen oona welcome um, oona been so scaid an ain wahn fa do nottin fa mek um feel bad.

Galatia 1:20

All wa A da set down yah true fa sho. God know A ain da tell oona no lie!

Galatia 3:26

Cause oona trus een Jedus Christ, God done mek all ob oona e chullun.

Galatia 4:19

Me deah chullun, A da feel pain fa oona sake. An dis pain dat A feel, e jes like de pain dat a ooman feel wen e chile wahn fa bon. A gwine feel dis pain yah til oona come fa lib like people wa hab Christ een um fa true.

Philippi 2:1

Een oona life, oona all been jine togeda wid Christ, an dat da courage oona fa true, ainty? Cause Christ lob oona, oona ain haffa warry, ainty? An oona hab God Sperit dey eenside oona, da mek oona one wid um, ainty dough? Oona saary fa one noda, an oona wahn fa do good ta one noda, ainty?

Philippi 2:26

Epaphroditus wahn fa see all ob oona too bad. E opsot cause oona yeh say e been sick.

Philippi 4:1

Me Christian bredren, wa A lob, fa true, A wahn fa see oona. Oona me joy an me payback fa me wok! Now den, me deah bredren, pon all dat A beena say ta ya, ya mus stan scrong wiles ya da lib one wid de Lawd.

Colosse 2:1

A wahn oona fa know how haad A da try fa do all A kin fa oona an de Christian dem een Laodicea, an fa all oda res dat ain meet me yet.

Colosse 3:12

Oona blongst ta God. E lob oona an pick oona fa be e own. So den, oona mus hab mussy pon one noda. Mus do good ta one noda an mus dohn be biggity. Mus dohn be haad pon one noda. Mus beah wid one noda.

1 Thessalonica 2:5

Oona know fa true dat wen we taak ta oona, we ain neba sweet mout nobody. We ain hab de big eye fa oona gii we sompin. We ain do dat, an God know wa dey een we haat.

1 Thessalonica 2:8

Cause ob we lob fa oona, we been heppy fa come gii oona de Good Nyews ob God. We eben been heppy fa gii oona we haat, da do all dat we kin fa oona. We lob oona dat much!

2 Timothy 1:4

A memba how ya beena cry, an A wahn fa see ya too bad, so dat me haat kin be full op wid joy.

Philemon 1:12

A da sen um back ta ya. A lob um sommuch dat e jes like me haat da gwine wid um.

Philemon 1:20

Yeah, me broda, do me dis fabor, fa sake ob we Lawd. A ya Christian broda. Mek me haat glad.

1 John 3:17

Bot wen somebody hab plenty ting bot e ain hab no pity pon e broda dat e see ain got wa e need, dat rich man ain got none ob God lob een e haat!