Matthew 5:4 - De Nyew Testament

⁴ Dey bless fa true, dem wa saaful now, cause God gwine courage um.

Matthew 5:4 Iomraidhean Croise

Luke 16:25

“Bot Abraham tell um say, ‘Me son, memba wen ya beena lib oba dey een de wol, ya beena joy yasef. Ya done git ya paat. Ya git all ya good ting fo ya pass oba. Same time Lazarus done git all de bad ting dem. Bot now e da joy esef yah an ya da suffa.

Luke 6:21

Oona bless fa true, oona wa hongry now, cause God gwine gii oona all oona wahn fa nyam. Oona bless fa true, oona wa da cry now, cause oona gwine laugh later on.

Luke 6:25

E gwine be a haad time fa oona wa da nyam all wa oona wahn now, cause de time gwine come wen oona gwine be hongry. E gwine be a haad time fa oona wa da laugh now, cause oona gwine be too saary an cry.

Luke 7:38

De ooman stanop hine Jedus, close ta e foot. E staat fa cry, an e cry sommuch til de wata outta e eye wet op Jedus foot. So den, e dry Jedus foot wid e hair. E kiss e foot an e tek de pafume an rub um pon Jedus foot.

Luke 7:50

Jedus tell de ooman, “Cause ya bleebe een me, God done sabe ya. Ya kin go now an hab peace een ya haat.”

James 1:12

De poson wa ain stop fa trus God wen trial come ta um an wa able fa beah um, e bless fa true. Cause wen e still stanop scronga fa God atta dat trial, God gwine gim de true life wa ain gwine neba end. Dat de life wa God promise dem wa lob um.

Revelation 21:4

E gwine wipe ebry teah outta dey eye. Dey ain neba gwine cry no mo. Dey ain neba gwine dead no mo, an ain nobody neba gwine git hebby haat. Dey ain neba gwine suffa no pain. Cause dem ole ting wa been dey fus done pass way.”