Matthew 5:39 - De Nyew Testament

³⁹ Bot A da tell oona say, Ya mus dohn git back at de poson wa da do ya bad. Ef somebody knock de right side ob ya face, ya mus ton an leh um knock de lef side too.

Matthew 5:39 Iomraidhean Croise

Matthew 5:40

An ef somebody tek ya ta court fa mek ya gim ya shat, ya mus leh um hab ya coat too.

Luke 22:64

Dey tie a rag oba e eye, den dey knock um an say, “Ef ya a prophet, tell we who dat knock ya!”

Luke 6:7

Some Jew Law teacha an Pharisee dem been wahn fa cuse Jedus, say e da do wrong. So dey fasten dey eye pon um fa see ef e gwine heal de man han pon de Woshup Day.

John 18:23

Jedus ansa say, “Ef A done say sompin wa ain right, tell ebrybody yah wa A say. Bot ef A done say wa true, wa mek ya slap me?”

1 Corinth 6:7

Wen oona cyaa um ta court fa settle aught mongst oonasef, dat show oona ain da waak right wid God tall. Ain e betta fa leh oda people do ya bad? Ain e betta fa leh um tek ya propaty?

1 Thessalonica 5:15

Mek sho dat nobody ain pay back ebil wid ebil. Mus try all de time fa do good ta one noda an ta all people.

Hebrew 12:4

Oona beena fight ginst sin, bot oona ain neba yet been haffa fight ginst um til ya shed ya blood.

James 5:6

Oona done condemn an kill people wa ain done nottin wrong, an ain fight ginst oona.

1 Peter 3:9

Ef somebody do oona bad, mus dohn do bad back ta um. An ef somebody sult oona, mus dohn sult um back gin. Steada dat, aks God fa bless um. Cause God call oona fa gii oona a blessin.