Matthew 5:25 - De Nyew Testament

²⁵ “Ef anybody aagy wid one ob oona an e da cyaa ya ta courthouse, den ya mus try fa settle wid um fo ya git dey. Cause ef ya git ta de courthouse, e gwine han ya oba ta de jedge. An de jedge, e gwine han ya oba ta de police, an dey gwine chunk ya eenta de jailhouse.

Matthew 5:25 Iomraidhean Croise

Matthew 26:58

Now Peter beena folla long hine Jedus bot e ain git close ta um. E folla long right ta de head man yaad. Den e gone eenta de yaad an seddown wid de gyaad dem fa see wa gwine happen.

Luke 18:3

One wida ooman been dey een dat same town. Dis ooman beena go ta de jedge all de time an tell um say, ‘Mus please gii me wa right. Mus hep me ginst de one wa done me wrong.’

2 Corinth 6:2

Cause God say, “A been listen ta ya jes wen de right time come, an wen de day fa sabe oona come, A hep oona.” A da tell oona say, now de right time. Taday de day fa people fa be sabe!

Hebrew 12:17

Oona know dat atta dat, wen Esau wahn e fada fa gim dat blessin, e fada ain gim. Cause Esau ain neba find no way fa change wa e done done, eben dough e try so haad fa git dat blessin dat e beena cry.

Hebrew 3:13

Bot oona mus courage one noda ebry day, long as “Taday” still dey een God Book fa we. Mus courage one noda all de time so dat sin ain gwine ceebe none ob oona an mek um hab sinful haad haat.

Hebrew 3:7

So den, jes like de Holy Sperit da tell we say, “Taday, ef oona yeh God boice,