Matthew 5:1 - De Nyew Testament

¹ Wen Jedus see all de crowd dem, e gone pontop one high hill. E seddown dey, an e ciple dem come geda roun um.

Matthew 5:1 Iomraidhean Croise

Matthew 13:2

An de crowd wa geda roun um been so big dat e git eenta a boat, an e seddown een de boat wiles de people dem beena stanop pon de sho.

Matthew 15:29

Jedus lef dey an waak long de sho ob Lake Galilee. Den e climb op one high hill an seddown dey.

Matthew 4:25

A great big crowd ob people gone long wid Jedus. Dey come fom Galilee, fom de Ten Town, an fom Jerusalem, an Judea an de arie pon de oda side ob de Jerden Riba, an dey all folla Jedus.

Matthew 5:2

Den Jedus staat fa laan um. E say,

Mark 3:13

Jedus gone op one high hill an e call out de man dem wa e wahn fa come, an dey gone fa meet um.

Mark 3:20

Den Jedus an e ciple dem gone ta a house fa stay. A crowd come geda roun um gin, so dey ain hab chance fa nyam.

Mark 4:1

One oda time Jedus staat fa laan de people wa been wid um close by Lake Galilee. An a heapa people geda roun um til de crowd been too big. So e gone seddown eenside a boat, dey een de wata close ta de sho. An de crowd beena stan pon de sho.

Luke 6:12

Jurin dat time Jedus gone op a hill fa pray. E beena pray ta God all shru de night.

Luke 6:17

An Jedus come down de hill wid e postle dem. E gone an stan weh de groun been lebel, an plenty oda e ciple dem been wid um. An a whole heapa people geda dey. Dey come fom all oba Judea an fom Jerusalem, an some come fom dem town close ta de sho een Tyre an Sidon. Dey come fa yeh Jedus an fa hab um heal um.

Luke 6:20

Jedus look at e ciple dem an tell um say, “Oona bless fa true, oona po people, cause God da rule oba oona.

Luke 9:28

Wen bout eight day done pass atta e say dat, Jedus call Peter, John, an James fa go long wid um. Dey gone pontop a high hill fa pray.

John 6:15

Jedus know de people been wahn fa come git um an mek um king, so e gone way gin, op eenta de mountain. E ain tek nobody wid um.