Matthew 26:70 - De Nyew Testament

⁷⁰ Bot Peter tell um all e ain know Jedus. E say, “A ain know wa ya da taak bout.”

Matthew 26:70 Iomraidhean Croise

Matthew 26:51

Jes den one ob dem wa been dey wid Jedus pull out e sode. E scrike de saabant ob de head man ob de Jew priest leada dem, an e cut off e yea.

Matthew 26:56

Bot all dis happen so dat wa de prophet dem been write een God Book gwine come true.” Den all de ciple dem lef um an ron way.

Matthew 26:58

Now Peter beena folla long hine Jedus bot e ain git close ta um. E folla long right ta de head man yaad. Den e gone eenta de yaad an seddown wid de gyaad dem fa see wa gwine happen.

Matthew 26:69

Now den, Peter beena seddown outside een de head man yaad. An one de gyal dem wa wok fa de head man come ta Peter an say, “Ya been dey too, wid dat Jedus wa come fom Galilee.”

Matthew 26:71

Den Peter gone out close ta de gate. Noda saabant gyal see Peter an e tell de people wa beena stan roun dey say, “Dis man been dey wid Jedus wa come fom Nazareth.”

Luke 22:57

Bot Peter say dat ain so. E tell um say, “Ooman, A ain eben know dat man!”

Rome 11:20

Dat true! Bot dey been broke off cause dey ain bleebe. An oona da stan dey jes cause oona bleebe. Bot ya mus dohn git de big head bout dat. Oona mus tek cyah an keep on da bleebe God mo scronga.

1 Corinth 10:12

So ef one ob oona tink e da stanop scrong, e oughta tek cyah dat e ain gwine faddown.

Revelation 21:8

Bot fa dem people wa all time scaid fa stan fa God, dem wa ain bleebe pon Christ no mo, dem wa do dem dorty sin, dem wa da kill, dem wa lib loose life, dem wa da do black magic, dem wa da woshup dem ting wa dey mek fa deysef, an all dem wa da tell lie. All dem people wa da do dem ting yah, dey place gwine be een de lake wa full op wid fire fa bun wid sulfa. Dat de secon det.”