Matthew 21:17 - De Nyew Testament

¹⁷ Jedus lef um an gone outta de city fa sleep een Bethany.

Matthew 21:17 Iomraidhean Croise

Matthew 16:4

De people wa da lib now, dey wickity an dey ain bleebe pon God! Oona da aks fa a sign fa show dat God sen me. A da tell oona fa true, A ain gwine show no sign cep fa de sign ob de prophet Jonah.” So den Jedus lef um, e gone.

Matthew 26:6

Jedus been ta Bethany een Simon house. Simon de man wa been hab leposy.

Mark 11:1

Jedus dem come close ta Jerusalem. Dey been dey by Bethphage een Bethany willage. Wen dey reach ta de Mount Olib, Jedus tell two e ciple fa go on fo de oda res.

Mark 11:11

Jedus gone eenta Jerusalem an eenta God House. E look roun at ebryting dey. Bot de sun beena set fa red so e an e tweb ciple dem gone out ta Bethany willage.

Mark 11:19

Wen de sun set fa red, Jedus an e ciple dem come outta de city.

Mark 14:3

Jedus been een Bethany een Simon house. Simon de man wa been hab leposy. Wiles Jedus beena nyam, one ooman come een wid sweet ointment oll eenside a jar wa dey mek fom alabasta stone. Dat been a spensiz ointment wa dey mek fom de nard plant. De ooman broke de jar mout an pour de dat ointment pon Jedus head.

Mark 3:7

Jedus an e ciple dem wa alltime trabel longside um, dey gone way ta Lake Galilee. An a heapa people come fom Galilee an folla longside Jedus.

Luke 10:38

Jedus an e ciple dem trabel long. Dey gone ta a settlement weh a ooman name Martha beena lib. E welcome Jedus an eenbite um fa come een de house.

Luke 19:29

Wen e git close ta Bethphage an Bethany, dey ta de Mount Olib, e call two ob e ciple dem an e sen um on head ob um.

Luke 24:50

An Jedus waak wid um outta Jerusalem ta Bethany. Wen dey git dey, e raise e han op an e bless um.

John 11:1

One man name Lazarus been sick. E beena lib een Bethany, de town weh Mary an e sista Martha beena lib.

John 11:18

E ain been two mile tween Bethany an Jerusalem.