Matthew 21:10 - De Nyew Testament

¹⁰ Wen Jedus gone eenta Jerusalem, de town ton opside down. De people been stir op an dey say, “Who dis man yah?”

Matthew 21:10 Iomraidhean Croise

Matthew 2:3

Wen King Herod yeh dat, e been opsot fa true. An ebrybody een Jerusalem been opsot too.

Matthew 21:11

De crowd ob people ansa say, “Dis yah Jedus, de prophet. E come fom Nazareth een Galilee.”

Matthew 21:9

De great crowd ob people dem wa beena waak long front ob Jedus, an dem wa come hine um, dey beena holla, say, “Leh we praise de Son ob David! God bless de one wa come een de Lawd name! Praise God een heaben!”

Luke 20:2

Dey aks um say, “Tell we, wa gii ya de right fa do dem ting yah? Who dat gii ya de tority?”

Luke 5:21

De Law teacha an de Pharisee dem staat fa study bout dat, tink say, “Who dis yah, wa da hole God cheap? Ain nobody able fa paadon sin. Jes God kin do dat!”

Luke 7:49

De oda people dat beena nyam wid Jedus staat fa say ta one noda, “Who dis man yah? E eben paadon people fa dey sin!”

Luke 9:9

Herod say, “A done hab John head cut off. Bot who dis yah A da yeh susha ting bout?” So e beena try fa see Jedus.

John 2:18

Den de Jew leada dem come aks Jedus say, “Wa miracle ya kin do fa show we dat ya got tority fa do dis wa ya done yah?”

De Postle Dem 9:5

Paul say, “Who ya da, Lawd?” An de boice say, “A Jedus. A de one ya da fight.