Matthew 20:21 - De Nyew Testament

²¹ Jedus aks um say, “Wa ya wahn me fa do fa ya?” E ansa say, “A wahn ya fa promise me say dat wen ya gwine rule, ya gwine leh me two son seddown close ta ya, one ob um pon ya right han side an de oda one pon ya lef han side.”

Matthew 20:21 Iomraidhean Croise

Matthew 18:1

Jes den, de ciple dem come aks Jedus say, “Whodat de big leada mongst dem wa God da rule?”

Matthew 19:28

Jedus tell um say, “A da tell oona fa true say, een de wol wa gwine come, wen de Man wa Come fom God gwine seddown pon e shrone fa rule de wol wid great glory, oona wa beena folla me gwine seddown too, pon tweb shrone fa jedge de tweb tribe ob Israel.

Matthew 20:22

Bot Jedus tell de son dem say, “Oona ain ondastan wa oona da aks me fa do. Oona gwine be able fa suffa wid me, fa drink fom de cup wa A gwine drink fom?” Dey ansa say, “We gwine be able fa do um.”

Matthew 20:32

Jedus stop dey an call ta um. E aks um say, “Wa oona wahn me fa do fa oona?”

Mark 10:51

Jedus aks um say, “Wa ya wahn me fa do fa ya?” De bline eye man say, “Teacha, A wahn ya fa mek me so dat A kin see.”

Mark 16:19

Wen de Lawd Jedus done taak ta e ciple dem, God tek Jedus op eenta heaben. Jedus gone seddown ta God right han fa rule wid um.

Mark 6:22

Den Herodias daughta come an dance fa de paaty. E dance so fine dat King Herod an de people wa ta de paaty been too heppy fa um. So de king tell dat gyal say, “Mus aks me fa anyting ya wahn. A gwine gii ya um.”

Luke 18:41

“Wa ya wahn me fa do fa ya?” De bline man ansa say, “Lawd, A wahn fa see gin.”

Luke 19:11

De people beena listen ta wa Jedus say. E been mos ta Jerusalem now, an dey beena tink say dat dey gwine see God come down an rule tareckly. So den, Jedus tell um one paable.

Luke 22:24

De ciple dem staat fa aagy wid one noda bout wish one ob dem dey oughta tink e great mo den all.

John 15:7

Ef ya stay jine ta me an me wod stay een ya haat, ya kin aks me Fada fa wasoneba ya wahn an e gwine gim ta ya.

De Postle Dem 1:6

Wen de postle dem meet togeda wid Jedus, dey aks um say, “Lawd, dis yah de time wen ya gwine leh de people ob Israel hab dey own country gin?”

Rome 12:10

Mus lob one noda like people wa blongst ta de same fambly. An mus be heppy fa gii hona ta ya bredren.

Rome 8:34

Ain nobody kin condemn we fa we sin, cause Jedus Christ de one wa done dead fa we, an den too, e de one wa God mek git op fom mongst de dead people an lib gin. An Jedus Christ de one wa da seddown ta God right han side. E da taak ta God fa we!

Colosse 3:1

Wen God done mek Christ lib gin, e mek oona git nyew life too. So den oona mus pit all oona haat pon de ting dem een heaben, weh Christ seddown, da rule at God right han side.