Matthew 13:57 - De Nyew Testament

⁵⁷ So dey ain wahn fa hab nottin fa do wid um. Jedus tell um say, “De people gii hona ta a prophet ebryweh cep weh e raise op at. Een e own town an een e own fambly dey ain gim no hona.”

Matthew 13:57 Iomraidhean Croise

Matthew 11:6

De one wa ain loss e fait een me, e bless fa true.”

Matthew 13:58

An cause de people ain bleebe een um, Jedus do jes a few miracle een dat place dey.

Mark 6:1

Jedus lef dat place an gone back ta e town, an e ciple dem gone long wid um.

Mark 6:14

De nyews bout Jedus spread all oba til King Herod, wa beena rule een Galilee, yeh bout um. Some people say, “Dis yah John wa Bactize. E done dead bot now e da lib gin, come outta e grabe. Dat wa gim powa fa do miracle.”

Mark 6:3

Dis man jes de capenta, ainty? Ain e Mary son? An James, Joseph, an Judas an Simon dem e broda, ainty? An e sista dem yah wid we, ainty?” So dat how de people beena taak ginst Jedus.

Mark 6:4

Jedus tell um say, “People da gii hona ta a prophet ebryweh cep weh e raise op at. Een e own town an mongst e own kinfolk dey ain gim no hona.”

Luke 4:24

An Jedus say, “A da tell oona fa true, ain no prophet wa eba git hona weh e raise op.

Luke 7:23

De one wa ain got no doubt bout me, e bless fa true!”

John 4:44

Jedus esef been say, “A prophet ain got no hona dey een e own country.”

John 6:42

Dey say, “Dis man yah Jedus, Joseph son, ainty? We know e fada an e modda. How e kin say now, ‘A come down fom heaben?’ ”

John 6:61

Jedus been know dat de people beena grumble bout wa e tell um, eben dough nobody ain tell um. So e aks um say, “Dis ting mek oona wahn fa ton way fom me, ainty?